Aurten ere, Iparraldeko Ikastolen Elkarte den Seaskaren egutegiak jasoko dituzue LH 4tik gora seme-alabak dituzuen familia guztiek. Kobraketa (4€) abenduko erreziboan egingo zaizue. Familiaren batek EZ badu egutegia eskuratu nahi, bete galdetegi hau urriaren 17a baino lehen, mesedez.
Ataria
Azken albisteak
OROKORRA
Hurrengo asteazkenean Palestinarekin elkartasunez egun osoko lanuzte orokorra deitu dute hainbat sindikatuk Euskal Herriko hezkuntza-sistema osoan. Gaur gaurkoz jaso dugun informazioaren arabera, Ikastolako langilegoaren gehiengoak deialdiarekin bat egingo duela aurreikusten dugu, eta, ondorioz, gutxieneko zerbitzuak soilik eskaini ahal izango ditugula.
DBH4
DBH 4-ko Biologia eta Geologiako ikasleok Zumaiako Flyschak aztertzera joan ginen asteartean, Euskal Herriko geologiari eta marearteko zabalguneko bizidunei buruzko alderdi interesgarriak zuzenean ikustera. Eguraldi bikaina izan genuen gainera, eta Ubillos jauregian azalpen txiki batzuk entzun ondoren Flyschaz bertatik bertara gozatu genuen!
DBH3
DBH 3ko ikasleok Kilometroetako Erronkan parte hartu genuen igandean! Primerako eguna pasa genuen gainerako ikastoletako gazteekin batera. Eskerrik asko Elgoibarko Ikastolari!!