Olarrizu IGE Zurriola Ikastolako ikasleen guraso-elkartea da. Ikastolaren kooperatiba-izaera bultzatu nahian, bazkide guztion partaidetza sustatu nahi du, bi helbururekin: Ikastola osatzen dugun kolektibo guztien arteko harremana sendotzea eta, auzolana bultzatuz, gure seme-alabentzat eredu izatea.
Gure parte hartzea gauzatzeko, besteak beste, batzordeak osatu dira. Batzorde horietan gurasoak dabiltza jarduera ezberdinak antolatu eta hobetu nahian (Euskara Batzordea, Danborrada Batzordea, Zurrimendi, Jai Batzordea). Batzordeak proposamenak egin eta lantzeko prest dauden guraso guztientzat daude irekita, Ikastola GUZTIOK, GUZTIONA, GUZTIONTZAT baita.
