Ataria

Haur Danborradaren eta Helduen Danborradaren txanda izango da asteartean. Hemen duzue Haur Danborradari buruzko informazioa. Helduen Danborrada, aldiz, arratsaldean aterako da Groseko kaleetara, 18:45etik aurrera.

Eguberri giroa danbor hotsek ordezkatu dute honez gero. Bai Zurriolako haur eta helduen konpainiak baita Gaviota eta Cangrejo elkarteak egiten ari diren entseguak neguko iluntzeak girotzen ari dira, Soroan eta Hurran. Bitartean, dena prest dugu astelehenean, hilak 19, San Sebastian eguna ospatzen hasteko! Hemen duzue maila ezberdinetarako informazioa.

Festa ugari ospatuko ditugu bigarren hiruhileko honetan, eta gurasook zuen seme-alaben argazki eta bideo polit askoak aterako dituzue egun horietan ziur. Haur guztien eskubideak bermatzeko asmoz, kontuan har ezazue zuen semea edo alaba ez den umeren bat agertzen diren irudiak ezin dituzuela partekatu edo zabaldu haur horien gurasoen berariazko baimenik gabe.

Azken bi asteotan, osasun mentalari buruzko saioak izan ditugu Batxilergoko ikasleok, Agifes elkartearen eskutik. Gaixotasun mentalak ezagutu ditugu, eta halakoetan laguntza eskatzeak duen garrantziaz ohartu gara. Gainera, gaixotasun hauen inguruan dauden estigmen inguruan hitz egiteko aukera ere izan dugu.