Albisteak

Ikastolen estrategia digital berria aurkeztu zuen Ikastolen Elkarteak astelehenean. Marko teknopedagogikoa garatu dugu ikastolok, eta teknologia eta digitalizazioa ulertzeko eta lantzeko dugun estrategia jasotzen da bertan. Horrez gain, burujabetza teknologikoa ere jarri dugu helburu. Albiste honetan duzue informazio gehiago.

Gelan landutako geologia edukiak zuzenean ikusteko aukera izan genuen DBH 4ko ikasleok Zumaian, eta marea biziak direla aprobetxatuta, marearteko biodibertsitatearen ezaugarri bereziak landu eta bizidunak bilatuz aritu gara.

Arte Eskolako LH 1 eta LH 2ko ikasleek Gau Beltzerako maskarak sortu ditugu, eta biharko gauaz gozatzeko prest gaude. Gogoratu, egitarau oparoa prestatu dutela Grosen Gau Beltza ospatzeko, eta tartean aritu direla Ikastolako Gurasoen Jai Batzordeko kideak ere.

Ataria leku egokia da haur eta familiak arratsaldeko saioak amaitu ondoren elkarrekin egoteko, baina guztion artean zaindu behar dugu. Horretarako, gutxieneko jokabide hauek betetzea ezinbestekoa da.

Aste honetan, Baso Eskolako saioekin hasi gara. Gogo handia genuen gure naturguneetara joan, eta bertan HH4 eta HH5ekoak elkarrekin jolasteko. Galdera asko genituen: aldaketarik gertatu ote da naturguneetan? Zer aurkituko dugu? Aukera paregabea izan dugu elkar ezagutu eta naturaz gozatzeko!

Geroz eta gertuago dago Euskararen Eguna, eta egun horretan egingo ditugun ospakizunetan “Euskaraz bizi nahi dut” kamisetak soinean janzteko deia egin nahi dizuegu guztioi. Armairuan kamisetarik ez baduzue, esteka honetan eros ditzakezue!

Ikastolako 76ko belaunaldikook 50 urte bete ditugu aurten, eta hori ospatzeko bazkari bat egin genuen. Gutako batzuk 35 urte generamatzan elkar ikusi gabe. Primeran pasa genuen, eta gogora ekarri genituen irakasleak, udalekuak, irteerak.... Zenbat abentura eta kalentura elkarrekin bizitakoak!

Gurasoen parte-hartzea ezinbestekoa da Ikastolan. Zuek gabe, Haurren Danborrada, Euskararen Eguneko txokolatada, teknologiaren erabilera arduratsurako sentsibilizazioa eta antzeko ekimenak ezin izango lirateke aurrera eraman. Batzorde desberdinak indartu behar ditugu ezinbestean, bai batzorde batzuk berpizteko, bai egungo taldekideei erreleboa emateko ere.