Noticias

Aurten ere, Iparraldeko Ikastolen Elkarte den Seaskaren egutegiak jasoko dituzue LH 4tik gora seme-alabak dituzuen familia guztiek. Kobraketa (4€) abenduko erreziboan egingo zaizue. Familiaren batek EZ badu egutegia eskuratu nahi, bete galdetegi hau urriaren 17a baino lehen, mesedez.

Hurrengo asteazkenean Palestinarekin elkartasunez egun osoko lanuzte orokorra deitu dute hainbat sindikatuk Euskal Herriko hezkuntza-sistema osoan. Gaur gaurkoz jaso dugun informazioaren arabera, Ikastolako langilegoaren gehiengoak deialdiarekin bat egingo duela aurreikusten dugu, eta, ondorioz, gutxieneko zerbitzuak soilik eskaini ahal izango ditugula.

DBH 4-ko Biologia eta Geologiako ikasleok Zumaiako Flyschak aztertzera joan ginen asteartean, Euskal Herriko geologiari eta marearteko zabalguneko bizidunei buruzko alderdi interesgarriak zuzenean ikustera. Eguraldi bikaina izan genuen gainera, eta Ubillos jauregian azalpen txiki batzuk entzun ondoren Flyschaz bertatik bertara gozatu genuen!

DBH 3ko ikasleok Kilometroetako Erronkan parte hartu genuen igandean! Primerako eguna pasa genuen gainerako ikastoletako gazteekin batera. Eskerrik asko Elgoibarko Ikastolari!!

Aurten ere ekin diogu jazarpena prebenitzeko programari! Ikastolok Finlandiako KiVa programarekin genuen akordioa amaitu ostean, ikasi dugun guztia egiten jarraituko dugu gure programa propioarekin. Horretarako, LH 1etik DBH 3ra bitarteko gela guztietan jazarpenaren prebentziorako lanketak egingo dira, eta Bizikidetza Taldea ere martxan da, beharrezkoa balitz eskuhartzeko.

Iritsi da danborrada antolatzen hasteko unea, eta urtero bezala, izen-emate epea zabaldu dugu. Aurten, haurren danborradan LH 2, LH 3, LH4 eta LH5eko ikasleek izango dute aukera izena emateko eta dagozkien zozketetan parte hartzeko. Zirkular honetan duzue informazio guztia. Has gaitezen danborrak berotzen!

Igeriketa-ikastaroa hasi berri dugu, eta LH 3ko Zezengorri gelako lagunok Intxaurrondoko igerilekura joaten ari gara ostiralero, GKAIko ikasleen eskutik igeriketa ikastaroa egitera. Hurrengo hiruhilekoetan beste bi gelen txanda izango da, eta ziur gu bezain gustura arituko direla!

Egipto lantzen ari gara LH 3ko lagunok, eta Nilo ibaia urruti gelditzen zaigunez, gertuago dugun Urumea ibaia ezagutzera joan gara aste honetan! Nilo ibaia egiptoarrentzat zein garrantzitsua den ikusi dugu, eta aitzakia hori gure ibaia ezagutzeko probestu dugu.