Noticias

Datorren ikasturterako LHko Eskola Kirolean hezitzaile lanetan aritzeko neska-mutilen bila gabiltza. 16 urtetik gorakoa bazara, euskaraz bizi bazara, kirola gustuko baduzu eta haurrekin aritzeko gogotsu bazaude, zure CVa bidali kirola@zurriolaikastola.eus helbidera. Foru Aldundiak Eskola Kirolean ezarri dituen aldaketen artean, lan-baldintzen hobekuntza dago. Bestetik, ikasturte hasieran Ikastolan bertan eskainiko dugu lan honetarako ezinbestekoa den gutxieneko formakuntza. Animatu zaitezte!

Astebete besterik ez dugu falta Ikastolaren Eguna ospatzeko!! Maiatzaren 16an, larunbata, festa izango dugu Hurran, eta LH 4ko familiek egitarau oparoa prestatu digute! Aurten ere, Olarrizu Ikastolako Guraso Elkarteak 7€-ko ekarpena jasoko dizue familia bakoitzari ekaineko erreziboen bidez. Jasotako dirua eguneko gastuei aurre egin eta jaia autofinantzatzeko baliatuko da, eta irabazirik sortuko balitz, gurasoen beste batzordeetako gastuei aurre egiteko eraibiliko da. Guztiona baita festa, guztiontzat!

2026-2027 ikasturtean DBH eta Batxilergoan egongo diren ikasleek Ikastolan erabiliko dituzten gailu digitalen eta horien kudeaketaren berri eman nahi dizuegu zirkular honen bidez.

LH3ko ikasleok sormen lan betean aritu ginen apirileko tailerretan: txontxongiloak sortu, gidoiak idatzi eta atrezzoak eraiki genituen. Guztia prest genuenean, LH1 eta LH2ko lagunei antzezpenak egin genizkien. Zenbat gustatzen zaigun guk sortutakoa gainerakoekin partekatzea!!

LH 4ko 28 lagunek Karmelo Baldan egin den eskolarteko xake txapelketan parte hartu dute aste honetan, eta taldekako txapelketan nagusi izan dira! Zorionak denei!

Datorren maiatzaren 16an, Ikastolaren festan, bizkotxo eta patata tortila lehiaketetan parte hartu dezakezue! Horretarako, ez da aurretik izenik eman behar. Egunean bertan, 10:30 eta 12:30 bitartean zuzenean zuen tortilak edota bizkotxoak Ikastolara ekarri eta sarreratik gertu egongo den mahaian utzi behar dituzue. Ez ahaztu izena plater azpian izena jartzeaz, sari bikainak egongo baitira irabazleentzat!

Maiatzaren 5ean, asteartea, Ategorrietan elkartuko gara berriro ere “Familiak eta euskara” lanketarekin jarraitzeko Ikastolako hainbat guraso eta langile, 17:00etan, Ategorrietako 4. solairuan. Kike Amonarrizen hitzaldia izango dugu hizpide, eta gure kezkez hitz egiteko eta helburuak zehazteko aukera izango dugu. Bazatoz?

Teknoizeko kide bat, Leire Erzilbengoa, Euskal Telebistako BIBA ZUEK! saioan izan da aste honetan. “Pantailaren B aldea” izenburupean, bereziki smartphoneak gure haur eta nerabeengan duen eraginaren inguruan aritu da beste psikologo batekin batera. Guraso bezala ditugun kezkak azaldu eta Teknoizen egiten den lanaren berri ere eman du. Zorionak eta eskerrik asko gaia mahai gainean jarri eta merezi duen oihartzuna ematen laguntzeagatik!!!