Noticias

DBH1eko ikasleen ia %80k ikasturtea smartphonerik gabe hasi zuen. Zein da orain zuen egoera? Zuen iritzi, kezka eta galderei erantzuteko zuen ahotsa entzun behar dugu. Askok erantzun duzue bidali genizuen galdetegia, baina lagin adierazgarri bat izateko erantzun gehiago behar ditugu. Lagunduiguzu zure mailaren ahalik eta argazkirik zehatzena lortzen, aurrera begirako urratsak eta ekintzak zehazteko. Ez baduzu oraindik erantzun, hemen duzu galdetegia. Eskerrik asko!

Aste honetan, Zurriolinpiadak ospatu ditugu Ategorrietan, eta olinpiaden historia kontatu dugu hainbat kirolen bitartez !! LH 4-ko ikasleok ikuskizuna prestatu dugu azken asteotan, eta bertan musikaz, antzerkiaz eta jolasez gozatzeko aukera izan dugu. Eta noski, kirolariek domina bana jaso dute!

Lehen Hezkuntzako etapa amaitzear dauden honetan, seigarren mailako ikasleek Denboraren Makinaren bitartez bizitako urteetan barrena bidaiatu dute, oroitzapen eta bizipen ezberdinak oholtza gainean gogoratuz. Momentu berezia izan da denontzat!

Aurreko ostegunean eta ostiralean, Uliako Lore Baratzetan izan ginen HH2ko lagunok! Zuhaitzek eguzkitik babestu gintuzten, eta oso gustura ibili ginen baratzak ikusten, zapaburuak bilatzen, hondarrarekin esperimentatzen eta labirintoko bide ezberdinak ikertzen. Itzuliko gara ziur!!

LH 5eko lagunek akrobazioak, malabareak eta oreka landu ditugu Heziketa Fisikoko saioetan. Horietan trebatu eta gero, LH 1eko lagunentzat emanaldi politak sortu eta egin ditugu. Asko disfrutatu dugu pailazo, zinta, diabolo eta pilota artean!

2025/26 ikasturterako familia boluntarioak behar ditugu hilero Zurrimendiko irteerak antolatzeko eta antolakuntzan egoteko. Haurrak ere irteeretan ondo pasatzera etortzera animatzen ditugu! Boluntariorik egon ezean, Zurrimendik atsedena hartuko du hurrengo ikasturtean. Interesa dutenek idatzi mesedez helbide honetara: zurrimendi@zurriolaikastola.eus.

“Gurea erabil dezakezu” ekimena plazaratu du Udalak aste honetan, prentsaurreko batean. Donostian 450 saltoki inguruk egin dute bat ekimenarekin, eta Grosen 90 inguruk. Beren erakusleihoetan petagina bereizgarria jarrita dute, eta behar duten gaztetxoei beren telefonoa erabiltzeko aukera eskaintzen die, mugikorraren beharra sahieztuaz. Kultur-etxe eta udal kirol instalazioek ere badute pegatina.

Astelehenean HH5eko lagunek Ategorrietako LH2ko euskal dantzako zenbait ikasleren erakustaldiaz gozatzeko aukera izan genuen, eta, gainera, beren dantza irakasleak gidatuta elkarrekin dantza-jolasetan parte ere hartu genuen. Primeran pasa genuen!