Ataria

Irailean aurkeztu zuen Ikastolen Elkarteak marka berria, eta gure marka propioa ere egokitu dugu, ikastolok modu bateratuan identifikatuak izan gaitezen eta gure indarrak batu ditzagun. Hortaz, aurrerantzean, Zurriola Ikastolako logoari ikastolen marka erantsiko diogu.

Otsailaren 2an irekiko da HH, LH eta DBHko etapetan ikasle berriek izena emateko epea. Orain arte interesa agertu duten familiez gain, ateak irekita dauzkagu Zurriola Ikastolako komunitatearen parte izan nahi duen ikasle eta familientzat. Urtarrilaren 24an HHko Ate Irekiak izango ditugu berriro, eta urtarrilaren 27an DBHkoak. Zabaldu mezua!

Ohikoa den moduan, abenduaren 24an Groseko kaleetan atera ginen kantujiran, Olentzero eta Mari Domingirekin. Aurten, gainera, Olentzero eta Mari Domingi berriak estreinatu ditugu, eta eskerrak eman nahi dizkiogu Gurasoen Jai Batzordeari, eta bereziki, Amaia eta Arkaitzi! Lan ederra egin duzue!

LH1eko ikasleok Ekainberrira joan ginen atzo. Lehen gizakien garaiko tresnekin aritu ginen lanean: animalia-hezur, ikatz eta buztinarekin. Horrez gain, Ekainberriko kobazuloan egin zituzten artelan zoragarriak ezagutu ahal izan genituen. Primeran pasa genuen!!!