Albisteak

Batxilergo 2. maila bukatu berri duten ikasleek orientazio-saioa izan dute gaur, Ikastolako orientatzaile akademikoaren eskutik. Aurreko astean gurasoei azalpenak eman ondoren, gaur ikasleen txanda izan da, uztailera bitartean EHUrekin egin beharreko izapide eta prozedurak gogora ekartzeko.

Eguraldiak antolakuntza zaildu bazigun ere, ospakizunez beteriko eguna izan zen aurreko larunbata. Ikastolaren Festa ospatu genuen eta egun ederra igaro genuen! Jarraian duzue eguneko momentu desberdinak jasotzen dituen bideo polit bat. Mila esker zuen parte-hartze eta laguntzagatik! Guztion artean Ikastolaren Eguna hobetzen jarraitzeko asmoz, galdetegi labur hau erantzun dezakezue zuen balorazioa emateko.

Oraingoan, hurrengo ikasturteko liburu eta materialari begira jartzeko unea iritsi da. Zirkular honetan ikus dezakezue hurrengo ikasturtean LH, DBH eta Batxilergoko ikasleek zein liburu eta material beharko dituzten, eta eskaera Ikastolaren bidez egin nahi duzuenok galdetegia bete beharko duzue, gaurtik hasi eta ekainaren 6a bitartean.

Ikastolaren Egunean guraso askok adostasun hau hartu genuen: gure seme-alabei smartphonea emateko adina 16 urtera arte atzeratzea gutxienez Adostasun sinbolikoa izan zen, eta laster geletara bidaliko ditugun galdetegien bidez berriz, benetako adostasuna hartzeko aukera izango dugu (LH5-DBH2 bitarte). Oso garrantzitsua da galdetegiak erantzutea, taldeak adostasunari indarra ematen baitio. Eskerrik asko guregana gerturatu, adostasuna sinatu eta txapa soinean eraman zenuten guztioi!!

Hurrengo ikasturte hasieran LH eta BHko ikasleek materiala behar bezala eskuratu dezaten, aurretiko lan bat egin beharra dago eta gurasoen parte-hartzea ezinbestekoa da. Aurreikusi bezala, aurtengo LH 6 eta DBH 1eko gurasoak liburu eta materialak poltsatan antolatzeko elkartuko gara uztailaren 13an 10:00etan. Gero eta guraso gehiago etorri, orduan eta errazago egingo dugu, beraz, eman izena! Zirkularra eta izen-ematea.

Zurriola Antzerki Eskolako amateur-taldeak “Martin, izarrak buruan eta eseri munduan” antzezlana eskainiko du datorren ostegunean, maiatzak 28, arratsaldeko 19:30ean Gaztestenan, eta ostiralean Batxilergoko taldeak “Kasting-a” antzezlana aurkeztuko du leku eta ordu berean. Eskuratu zuen sarrerak, eta gozatu gure antzerkiaz euskaraz!

Euskal Herriko txoko desberdinetara joan ginen asteazkenean LH 1, 2 eta 3ko lagunok, eta bertan pasa ditugu hiru egun. Ekarren konpainiaz eta naturaz gozatzeko aukera izan dugu Barrian, Lizarran eta Arotz Enean, eta primerako eguraldiarekin gainera. Urte osoa pasa dugu txango honen zain, eta azkenean iritsi da!!

Bernat Etxepare lizeoko ikasleek pasa den astean jakinarazi zuten desobedientziaren bidea hartu eta baxoko matematikako azterketa euskaraz egingo dutela, azterketak ez zuzentzeko arriskua izanik ere. Igandeko Herri Urrats festan mobilizazioak egin zituzten, eta hala jarraituko dute ekainaren 6an Bordelera iristeraino.