Historia

Zurriola Ikastolaren sorrera. Kontxita Beitia andereñoak bere etxebizitzan hasten du Ikastolaren ibilbidea, 10 ikaslerekin.

Gurasoek “Sociedad Cultural Zurriola” elkartea sortu eta eskola bat zabaltzeko baimena eskuratzen dute. Eraikinaren titularitatea lortzeko, babes erlijiosoaren bila jotzen dute, eta ikastola “Escuela Parroquial de San Ignacio” izenarekin jartzen da abian, auzoko parrokiaren izenean, Ramon Maria Lili kaleko 8 zenbakian, alokairuan. Hiru urte ematen dituzte han, hiru andereñorekin.

Ikastolaren legalizazioa gauzatzen da.

Villa Sakramentoko lekaimeen egoitzaren zati bat alokatu, eta OHOko lehen ziklo osoa (5. maila arte) Ikastolan egiteko aukera zabaltzen da.

Barandiaran Lizeoa elkarte anonimoa sortzen dute Ibaetan bost ikastolatako gurasoek, 5. mailatik aurrerako ikasketak eskaini ahal izateko; Arantzazuko Amak (Martutene), Ikasbidek (Amara), Jakintzak (Antigua), Orixek (Alde Zaharra) eta Zurriolak (Gros) hartzen dute parte proiektuan.

Zurriola Ikastolako gurasoek kooperatiba bihurtzen dute kultur elkartea.

Gurasoek Hurrako zelaia erosten dute, OHO osoa Zurriolan eskaintzeko.

OHOko 6. maila eskaintzen da lehenengo aldiz Zurriola Ikastolan, nahiz eta haur batzuk Barandiaran Lizeora joan.

Hurrako orubean Zurriola Ikastolaren eraikinaren obrak amaitzen dira. Bitartean, zaintzailearen etxebizitza erabiltzen da. Ikastola 2 lerrodun ikastetxe bihurtzen da, eta ikasle gehiago onartzen hasten da.

Hezkuntza Lege berriak adierazten du ikastetxeek orduko OHO osoa eskaini behar dutela. Horrek eta Zurriolaren proiektu berriak eragin zuzena daukate Barandiaran Lizeoaren matrikulazioan; egoera berriari aurre egiteko, orduko BBB eta UBI eskaintzeari ekiten dio.

Ikastolak Belaguan lur-zati bat erosi, eta udako kanpaldiak eskaintzen hasten da.

“Tapones Ordoñez” lantegia erosten du (Kortxos) Zurriolak, hazi behar izanez gero hor aukera egokia zuela pentsatuta.

Villa Sakramenton alokaiuruan zuen zatia erosten du, hipoteka-mailegu bidez.

Zurriolako eta Barandiaran Lizeoko bazkideek uko egiten diote sare publikoan sartzeari, ez ordea Barandiaran Lizeoa osatzen duten beste lau ikastolek; ondorioz, Barandiaran Lizeoaren martxari eusteko lan gogorra egin behar da.

LOGSEk irakaskuntza-etapen markoa aldatu eta Derrigorrezko Bigarren Hezkuntza ezartzen du, eta nahitaezko eskola-garaia 16 urtera arte luzatu. Zurriolan DBH ezartzeko, Hurrako egoitzaren handitze lanak hasten dira. Horrek are gehiago ahultzen du Barandiaran Lizeoaren planteamendu pedagogikoa.

Barandiaran Lizeoak, egoera berrira egokitzeko, Goi Mailako Heziketa Zikloak eta Batxilergoko hainbat aukera eskaintzeari ekiten dio. Gorputz eta Kirol Ekintzen Sustapena heziketa zikloa abian jartzen du.

Batxilergo Artistikoa jartzen du martxan Barandiaran Lizeoak.

Batxilergo Eleaniztuna jartzen du martxan Barandiaran Lizeoak.

Publizitatearen Arte Grafikoak heziketa zikloa jartzen du martxan Barandiaran Lizeoak.

Zurriola Ikastolak egoera sendoa du ikasle-kopuruari dagokionez, Haur Hezkuntzan izena ematen duten haur guztiei ezin lekua eginda. Era berean, Batxilergoa egin ahal izateko, ikasleek beste eredu batzuetara jotzen dute. Barandiaran Lizeoa, ordea, justu antzean dabil.

Zurriola Ikastolako eta Barandiaran Lizeoko Batzar Nagusiek bi ikastolak bateratzea erabakitzen dute, Zurriola Ikastola izena hartuta; horrela, Donostia ekialdean hezkuntza osatu eta orekatua eskaintzeko aukera zabaltzen da.

Ategorrietako Villa Soroako eraikin enblematikoa eraberritzeko obrak amaitzen dira, eta HHko etapak bertan hasten du ikasturtea.

Ategorrietako eraikin berria ireki, eta LHko etapa osoa elkartzen da eraikin berean. Gure eraldaketa pedagogikorako eta gure proiektuak aurrera egiteko urrats garrantzitsua da hau.