Noticias

Aurreko ostiralean Finlandiako irakaskuntzako irakasleak gure Ikastola ezagutzera etorri ziren, Ekoguneko arduradun batekin batera. Gure HHko proiektu pedagogikoaz aritu ginen, baita Finlandiako hezkuntza ereduaz ere. Zoragarria da halako esperientziak partekatzea!

HH 4 eta 5eko lagunok Euskadiko Orkestrak Miramonen duen egoitzan izan gara atzo eta gaur, eta “Nire ama antzara” emanaldiaz gozatu dugu. Perraulten ipuinak eta Ravelen musika oinarri harturik, itzal-antzerki zoragarria ikusi dugu!

Aste honetan, LH6n bisita berezi bat izan dugu. Mendebaldeko Saharako kanpamentuetan urte askotan lanean aritu den Itziar Iturri etorri da gurera, eta Mendebaldeko Sahararen inguruan hitz egin digu. Kontatu dizkigunekin, bertakoen bizi-egoera hobeto ulertu izan dugu, baita duela aste batzuk izandako janari-bilketak duen garrantzia ere.

DBH 2ko Ongizate Fisiko eta Emozionaleko ikasleok HH5 eta LH1eko ikasleengana joan ginen asteartean. Yoga lantzen aritu gara azken asteotan, eta txikientzako saioak prestatu ditugu, ikasitakoa Ikastolako kideekin praktikan jartzeko! Luxua izan zen denontzat, prestatzaile lanetan aritu ginenontzat eta yoga saioez gozatzeko aukera izan genuenontzat!

DBH 2ko ikasleok aste honetan amaitu dugu euskarazko Wikipedian egin dugun lana. Denera 30 artikulu berri sortu ditugu Txikipedia atalean: gaia aukeratu, testuak sortu, zuzendu, editatu eta igo ditugu elkarlanean. Hauek izan ditugu aurten artikuluen gaiak: Euskal Herriko eskualdeak, euskal pertsonaia ospetsuak, euskal museoak eta ofizioak. Hona hemen sortutako artikulu baten adibidea.

Espainiako gobernutik iragarri berri dute: 16 urtetik beherakoei sare sozialak erabiltzea debekatuko diete. Europako Parlamentuak, azaroan, debeku berdina eskatu zuen, eta Australiak eta Frantziak ere onartu dute sare sozialak erabiltzeko debekua adinagatik.

Iritsi dira Kaldereroak Hungariatik Zurriolara! Goizean HH 2-3ko kaldereroen festa izan dugu Soroan, eta LH 1eko lagunak Domus Vi egoitzan izan gara, bertakoei Hungariako doinu eta dantzak erakusten! Arratsaldean berriz, denok batera Groseko kaleetara aterako gara, inauteria iragartzeko asmoz!

Zurriola Ikastolako OLARRIZU ikasleen guraso-elkarteak bere Ohiko Batzar Orokorra egingo du otsailaren 26an, ostegunez, arratsaldeko 17:00etan Hurrako aretoan. Ikastolako bazkide guztioi dei egiten dizuegu parte hartzera.