Udaberriaz gozatu eta aste honetako beroari aurre egiteko, Donostiako txoko desberdinetan izan ginen atzo LH 1, 2, 3 eta 6ko lagunok. Gladysenean, Ulian, Ametzagainan eta Urgullen izan ginen, eta hiriko naturguneek eskaintzen diguten itzala baliatu genuen elkarrekin egun bikaina pasatzeko!
Albisteak
HH5
Ikasturtea amaitzen ari den honetan, HH5eko lagunok Ategorrietara joan ginen ikastola ezagutzera, eta bertan jolasean aritu ginen. Primeran pasa genuen eta gogotsu gaude datorren ikasturtean bertara joateko!
HH4-5
Ikasturtean zehar HH4 eta HH5eko lagunok baso-eskolan ibili gara, astero-astero. Urte zoragarria pasa dugu naturan jolastuz ikasten. Ooooo, ze pena, bukatu da!!!!
HH2
HH 2ko lagunok Ikastolako gure lehen irteera egin dugu aste honetan! Autobusa hartu, eta Lore Baratzetara joan gara goizpasa, eta laguntxo eta irakasleekin goiz politak pasatu ditugu! Abiatu dugu irteeren ibilbidea!
HH-LH-DBH
Udako oporrak iristear daude, eta ekainaren 8tik19ra goizeko jarduna izango dugu HH eta LHko etapetan, ikasturteari amaiera emateko. DBHn ere jardun berezia izango dugu. Egun horietako antolakuntzaren berri ematen duen zirkularra duzue hemen.
LH4-5
LHko lagunok Euskal Herrian zehar jarraitzen dugu. Aste honetan LH 4 eta 5eko lagunon txanda izan da, eta Lizarran eta Allon izan gara. Ur askorekin egin diogu aurre beroari, eta egun zoragarriak pasa ditugu, lagunekin eta gurasorik gabe!
OROKORRA
Egunerokoan haur eta gazteekin harreman zuzena duten profesionalekin mahai-ingurua egin genuen astelehenean, eta pantailen erabilera goiztiar, desegoki eta gehiegizkoak haur eta gazteengan dituzten ondorioak nola sumatzen dituzten kontatu ziguten. Mila esker Ane Mujika, Eneko Sarasua, Beñat Arana, Miren Ros eta Asier Urzelairi! Saioak gure lanketan bide egokian goazela ikusteko eta indarrak hartzeko balio izan zigun.
LH6
Aste honetan, LH6ko lagunok azoka solidarioan eskuratutako dirua Gipuzkoako Minbiziaren Aurkako Elkarteari eman diogu. 758,73 €-ko ekarpena egin dugu, eta ziur gaude lagungarri izango zaiela. Dirua jasotzera bisitan etorri dira, eta elkarrizketa interesgarria izan dugu.