Albisteak

Euskal Herriko Pediatria Elkarteak argi esan du: gailu digitalen gehiegizko erabilerak ondorio larriak izan ditzake haur eta gazteen osasun fisikoan zein psikologikoan eta garapenean. Gero eta argiago ari dira ikusten ondorio horiek kontsultetan, eta ebidentzia zientifikoek ere hori berresten dute. Ekainaren 3an egindako jardunaldian azaldu zuten guztia, eta agiria ere plazaratu zuten. 

Ohituraz, taldekatze berriak (HH2, LH1, LH5, DBH1, DBH3, BATX1 eta BATX2) uztaila erdialdeko zirkularrean komunikatu izan ditugu. Talde berrietako ikasleen zerrenda garai honetan zabaltzeak dituen onurak eta albo kalteak azteru ondoren, zerrenda horiek iraila hasieran komunikatzeko erabakia hartu zen azken Eskola Kontseiluko bilkuran. Azken orduko matrikula berrien kudeaketarako eta sortu daitezkeen egoera ezberdinei aurre egiteko aukera gehiago izango dugu ikasturte hasieran.

DBH 2ko Oier Arocena ikaslea Padeleko Euskadiko txapelketan garaile izan da, bikotekako modalitatean, eta estatuko txapelketarako sailkatu da. Polita da ikasleak kirol anitzetan ikustea. Zorionak Oier!

Hezkuntza Sailak hurrengo ikasturteko egutegia antolatzeko baldintzak jakinarazi ditu dagoeneko, eta aukera eta proposamenak aztertu ondoren, egutegia onartu dute Ikastolako Zuzendaritza Taldeak eta Eskola Kontseiluak. Hauxe izango dugu, beraz, 26/27 ikasturteko egutegia.

3. ebaluazioa amaitu dugu, eta urtean zehar egin ezin ditugun jarduera osagarrien txanda abiatu dugu DBHn. DBH1ekook Adunako Zirkuola arte eszenikoen lantegian izan gara, DBH 2koek Alaine Agirre idazlearen bisita jaso genuen astelehenean eta surf–ikastaroa izan dugu gaur, DBH 4kook bihotz-biriken berpizteari buruzko ikastaroa izan dugu, Don Boscoko teknologia-txapelketan parte hartu dugu… Datozen bi asteetan ere plangintza berezia izango dugu!!

Kilometroak jaiak 50 urte bete dituela ospatzeko eta Zurrimendi berriro ere martxan jartzeko ahaleginean, Adarran izan ziren Ikastolako hainbat familia maiatzaren 31n. Gipuzkoako ikastola bakoitzak tontor bat zapaltzea zen helburua egun horretan, eta gure aletxoa jarri genuen. Jarrai dezagun mendiaz, euskaraz eta ikastolez gozatzen!

Martxoa bukaeran Herbehereetako lagunak izan genituen gurean, eta azkenean iritsi da gu joateko garaia! Larunbat gauean iritsi ginen Landgraaf-era, eta izugarrizko esperientzia bizitzen ari gara bertan antolatu dizkiguten ekintza guztiekin! Bedankt!!!

LH 6ko lagunok agur esango diogu laster LHri, eta aste honetan egin dugu LHko gure azken irteera. Arbizun pasa ditugu 3 egun, bertako eko kanpinean, eta hainbat ekintza egiteko aukera izan dugu: igerilekura bisita, jolasak, inguruko herriak ezagutu… Modu ezin hobea etapa honi amaiera emateko!