Asteartean izango da Euskararen Eguna, eta aste honetako prestaketa guztien ostean ospakizun ederra egingo dugu Ikastolan ere! Ekintzaz beteriko eguna izango dugu: kantu-emanaldiak, euskararen inguruko lehiaketak, hausnarketak, Argitxoren bisita, jolasak… Gainera, Gurasoen Euskara Batzordeak txokolatadak antolatuko ditu Ategorrietan 16:30ean eta Soroan 16:45ean (gogoratu haur bakoitzak edalontzia etxetik ekarri behar duela), eta DBH 3ko ikasleek prestaturiko egutegiak erosteko aukera izango duzue bi atarietan bertan. LHn ez da Eskola Kiroleko saiorik izango, eta bertako hezitzaileek txokolatada girotzen lagunduko digute. Amaitzeko, hemen dituzue Donostiako auzoetako programak ere. Gora euskara!
