EHMEk (Euskal Herriko Musika eta Dantza Eskolen Elkartea) 30. urteurrena ospatuko du bihar, Victoria Eugenia Antzokian egingo den ekitaldian. Egun, 69 musika eta dantza eskolak osatzen dugu elkartea, eta 30.000 ikasle baino gehiago biltzen ditugu gure artean. Ekitaldia hasi aurretik, Zurriola Musika Eskolako trikitilari eta panderojoleek, beste musika eskoletako ikasleekin batera, kalejira batean parte hartuko dute Groseko kaleetan, 10:30ean hasita.
