Ataria

Gure haurren ingurua, unibertsoa, euskaldunagoa izatea nahi duten familientzako ekimen berria da Eusfera. Horretarako, baliabide eta tresna ezberdin eta askotarikoak eskaintzen ditu eta euskaraz gozatzeko familientzako elkarguneak sortuko dira. Euskaraz jakin ala ez, 0-12 urte bitarteko haurren gurasoei (edo guraso rola betetzen duten helduei) dago zuzendua, haurren ingurua euskaldunagoa izatea nahi duten guzti-guztiei.

Aurten betetzen dira 50 urte Kilometroak lehen aldiz ospatu zirenetik, eta urteurren berezi honen aitzakian programazio berezia antolatzen ari da Ikastolen Elkartea. Ekimen horietako bat da “50 Jai 50 Tontor”: Gipuzkoako Ikastola bakoitzak mendi-irteera ezberdinak antolatuko ditugu, egun berean guztira 50 tontor zapaltzeko. Gure ikastolan Zurrimendik antolatu izan dituen mendi ibilaldien dinamikari jarraipena emateko balioko digu.

DBH 4ko ikasleok Kataluniara bidaia egin dugu aste honetan! Ikastolan elkarrekin egin dugun bide luze bati amaiera emateko modu ezin-hobea izan da, eta Cala Canyelles eta inguruak ezagutzeko aukera izan dugu gainera!

Apirilaren 18an bertan behera utzi ondoren, Eusko Jaurlaritzak mugikorrik gabeko eguna izendatu du bihar, maiatzaren 9a. Mugikorraren gehiegizko erabilera desegokiak eragin ditzakeen kalteez jabetuta, erronka bat luzatu du guztiontzat; mugikorrak itzali, gertukoekin egon eta momentua bizi. Hartu parte eta ikusi zer gertatzen den!!!!