Albisteak

Gaur etorri dira Saharako Lagunen Elkartekoak Ikastolan errefuxiatu-kanpamenduetarako bildu dugun janaria jasotzera, eta ezin-sinisturik joan dira langile eta familiek egindako ekarpen izugarriarekin.

Atzo eta gaur, LH3ko ikasleok ingeleseko "The wolf and the seven little kids" antzerkia aurkezten ari zaizkigu guraso nahiz ikasleei.

Iritsi da San Sebastian bezpera, eta Ikastolan hasi dugu festa dagoeneko!! Soroan goizean egin dugu txikien danborrada, eta gainerakook prest gaude arratsaldeko ospakizunerako!

Haur Danborradaren eta Helduen Danborradaren txanda izango da bihar. Gogoratu, gainera, aurten Ikastolako haurrek Haur Danborradako pertsonaiak irudikatuko dituztela.

Danborradako pertsonaiak ordezkatzeko ohorea egokitu zaigu aurten, eta azken bi asteetan ordezkari-lanak egiten aritu dira gure ikasleak.

LH 3ko ikasleak Domus VI zaharren egoitzan egon gara gaur goizean, eta danborradako doinu eta kantak jo eta abestu ditugu elkarrekin.

Eguberri giroa danbor hotsek ordezkatu dute honez gero. Bai Zurriolako haur eta helduen konpainiak baita Marruma, Gaviota eta Cangrejo elkarteak egiten ari diren entseguak neguko iluntzeak girotzen ari dira, Soroan eta Hurran.

Ategorrietako atarian ikasleek utzitako jertse eta antzekoak pilatzen ari zaizkigu. Ikasleei bertan dauden arropak begiztatzeko eskatu diegu bakoitzak berea berreskuratu dezan, baina, nonbait, ez dira inorenak.