HH

Aurten ere udaberriko oporraldietarako egonaldiak antolatu ditugu Zurriola Ikastolan, Bera Bera elkartearekin elkarlanean, HH3tik LH6ra bitarteko ikasleentzat. Bi txanda izango dira: martxoaren 25etik 27ra bitartekoa batetik, eta apirilaren 2tik 5era bitartekoa bestetik.

Soroa eta Ategorrietako atarietan zenbait jarrera desegoki antzematen ari gara arratsaldeetan, eskola-ordutik kanpo atariak irekita mantetzen diren tarteetan: larruzko baloiak eremu desegokietan, barandak txirristra bezala edo eskalatzeko leku bezala erabiltzea, kontainerrak lekuz mugituz jolastea edota barrura sartzea, txakurrak Ikastola barrura sartzea, patinete eta patinekin ibiltzea… Familiei ere dei egiten dizuegu guztion artean halako jarrerak saihestu ditzagun.

Astearte eta asteazkenean LH 2ko lagunak Untzi Museoan izan ginen, gure arbasoak balea ehizatzera joaten zirenean egiten zituzten bidaiei buruz gehiago ikasten. Gauza asko ikasi genituen, eta gainera balearen koipea eta kaka usaintzeko aukera ere izan genuen!

Astelehenean, Euskadiko Orkestra Sinfonikoaren egoitzan izan ginen HH4 eta HH5eko lagunok. Pantomima ikuskizuna eskaini ziguten, eta oso ondo pasa genuen!!

Aste honetan bete dira 100 urte Chillida jaio zela, eta HH 5ekook gure erakusketa xumea osatzen ari gara Soroan.

Hezkuntza Sailak data zehatzak oraindik argitaratu ez dituen arren, matrikulazio garaia otsaila hasieran izango dela aurreikusten dugu. Oporren bueltan harremanetan jarriko gara interesa agertu duzuen familia guztiekin.

Abenduaren 2an, familiarteko arte-tailerra egin genuen berriro Ikastolan! Oraingo honetan “Begiratu leihotik” liburua izan genuen protagonista, eta kollagea erabiliz liburu bitxi bat eraiki genuen.

Aurten ere, azaroaren 25aren harira, EZ DIO MUNSTRO TXIKIK ipuinaren lanketa egin dugu HHn. Batzuk txotxongiloak egin, eta beste batzuk ormairudi ederrak egin ditugu. Lan ederra izan da!!

Aurtengo neguko oporretan ere egonaldiak izango ditugu gure Ikastolan. Bera Bera elkartearekin batera elkarlanean. HH 3-4-5 eta LHko ikasleek gure espazioetan euskaraz aisialdiaz gozatzeko aukera izango dute.

“Azaroak 11, San Martin eguna, hauxe da zoritxarra gertatu zaiguna…”. Txerrien ahotsetik abestu ditugu gaur San Martin eguneko bertsoak Soroan, eta negu honetan jateko txorizo eta txistorrak egiten aritu gara!