HH

HH5eko ikasleak Ategorrieta eraikina ezagutzera joan gara gaur goizean. Hurrengo urteko gelak, jangela, atariak, liburutegia, kirol aretoa… ezagutzeko aukera izango dugu, eta asko gustatu zaigu. Zein handia eta polita den Ategorrieta!

Atzo, maiatzaren 16an, Musika Eskolako irakasleek emanaldi zoragarri bat eskaini ziguten HH3ko haurrei. Abestu eta dantzatu egin genuen, eta kalejiran ederki ibili ginen!

Beste tailer bat prestatu dugu artista liburuen inguruan. Oraingo honetan koloreak izango ditugu protagonistak! Prest zaudete berriro ere, gurekin batera artista liburu magiko bat sortzeko? Oraingo honetan koloreetako paperak erabiliz eta transparentziarekin jolastuz, artista liburu liluragarri bat eraikiko dugu. Gu ere izan gaitezke artista!

Paul Arrillaga sukaldaria HH3ko Txanogorritxo eta Pinotxo taldekoekin otordu goxo-goxoa prestatzen aritu zen: pizza, magdalenak eta gailetak. Mmmmmmmm!!

Zeinen ondo egon garen astelehen eta asteartean Kometa, Txiba eta Txotxongilo taldeetakoak gure baserriko lehen egonaldian. Pozik eta gustura joan eta itzuli gara. Datorren ikasturtean... BERRIRO!

Orain dela aste batzuk, Chillidarekin loturiko artelana egiteko aukera izan genuen HH 5eko lagunok. Hori horrela, atzo zinematik atera eta Haizearen Orrazirano joan ginen. Bertan, sentsazio berezia bizi izan genuen… itsasoak orro egin baitzugun; baina itsasoa edota Chillida izan zen?

Atzo eta gaur goizean, autobusa hartu eta Antzoki Zaharrera joan gara HH 4 eta HH 5eko lagunak. Bertan, “Barraskiloa eta balea” filmaz gozatzeko aukera izan dugu. A zer abenturak bizi ditugun barraskiloa eta balerarekin batera!! Filmean zehar, askok barraskiloa izan nahi genuen!!

Maiatzeko eta ekaineko hainbat arratsaldetan, jolasak izango ditugu Soroak atarian HH 5eko gurasoen eskutik, haur eta helduen artean euskararen erabilera sustatzeko asmoz. Anima zaitezte euskaraz jolastera!!

Beste tailer bat prestatu dugu artista liburuen inguruan. Oraingo honetan koloreak izango ditugu protagonista! Prest zaudete berriro ere, gurekin batera artista liburu magiko bat sortzeko? Oraingo honetan koloretako paperak erabiliz eta transparentziarekin jolastuz,  artista liburu liluragarri bat eraikiko dugu.

Iaz bezalaxe, aurten ere udako oporraldietarako egonaldiak antolatuko ditugu Zurriola Ikastolan, ekainaren 24tik uztailaren amaierara bitartean, HH 2tik LH 6ra bitarteko ikasleentzat.