Agur esan diegu danbor eta kupel hotsei, baina aurreko asteartean Ikastolan egin genuen ospakizuneko irudiak partekatu nahi ditugu zuekin. Hemen dituzue Hurrako danborradako argazkiak. Horrez gain, Haurren Danborradako aurkezpen-ekitaldian Antzerki Eskolako bi ikaslek egindako emanaldia ere ikus dezakezue hemen.
Ataria
Azken albisteak
LH3
Igeriketa-ikastaroari amaiera eman diogu gaur LH 3ko Amalur gelako lagunok. Intxaurrondoko igerilekura joan ari gara ostiralero, azarotik gaur artean, eta igeriketa-ikastaroa egin dugu GKAIko ikasleen eskutik. Laster beste gelaren txanda izango da, eta ziur gu bezain gustura arituko direla!
DBH-BATX
Bigarren Hezkuntzako Batzordearen bilera egin dugu aste honetan. DBH eta Batxilergoko geletako ordezkariak eta irakasleon ordezkariak elkartu, eta geletan jasotako kezka eta proposamenez aritu gara. Ikastola guztion artean eraikitzeko aukera bikaina.
DBH4
DBH 4ko ikasleok La Casa Bernarda Alba antzerkia ikusten izan gara gaur, Donostiako beste ikasle batzuekin batera Elaienea ikastetxean. Abenduan gelan irakurri genuen Lorcak 1936an idatzitako antzezlana, eta gaur oholtza gainean ikusteko aukera izan dugu.