Noticias

Asteartean, Ibon Martin idazlearen bisita jaso genuen LH4ko ikasleok. Berarekin Onin eta Siraren inguruko solasaldi interesgarri bat izan ondoren, jolas txiki bat egiteko denbora ere izan genuen. A zer zortea geurea!

Saharako errefuxiatu kanpamentuetara bidaltzeko janari-bilketa martxan jarri du Saharako Lagunen Elkarteak, eta parte hartzeko deia zabaldu nahi dizuegu. Urtarrilaren 22tik 28ra izango duzue zuen ekarpena egiteko aukera, eta ikasleek tutoreei eman beharko diete.

Aste honetan, Ekologistak Martxan taldearekin batera aritu gara Ikastolaren eremu inguruan NO2 gasen neurketak egiteko saio-hodiak ipintzen. Saio-hodietan bildutako datuak laborategian aztertu ondoren, Bigarren Hezkuntzako ikasleekin landuko ditugu, gas honen presentziak gure osasunean izan ditzaken ondorioak aurreikusteko.

DBH1eko bost ikaslek Premio Luis Landero narrazio lehiaketan parte hartuko dute. Haien artista sena martxan jarriz, mota ezberdinetako istorioak sortu dituzte. Gora etorkizuneko idazleak!

DBH 3ko ikasleak Okendo liburutegian izan gara aste honetan. Dagoeneko haurren txartela izateko adina gainditu dugunez, helduen txartela egiteko aprobetxatu dugu bisita, eta libururen bat etxera eramateko aukera ere izan dugu! Adinean aurrea eginda ere jarrai dezagun irakurzaletasuna sustatzen.

Igeriketa-ikastaroari heldu diogu berriro, eta LH 3ko Amalur gelako lagunok Intxaurrondoko igerilekura joaten ari gara ostiralero, GKAIko ikasleen eskutik igeriketa ikastaroa egitera. Azken hiruhilekoan beste gelaren txanda izango da, eta ziur gu bezain gustura arituko direla!

Festa ugari ospatuko ditugu bigarren hiruhileko honetan, eta gurasook zuen seme-alaben argazki eta bideo polit askoak aterako dituzue egun horietan ziur. Haur guztien eskubideak bermatzeko asmoz, kontuan har ezazue zuen semea edo alaba ez den umeren bat agertzen diren irudiak ezin dituzuela partekatu edo zabaldu haur horien gurasoen berariazko baimenik gabe.

Otsailaren 3an irekiko da HH, LH eta DBHko etapetan ikasle berriek izena emateko epea. Orain arte interesa agertu duten familiez gain, ateak irekita dauzkagu Zurriola Ikastolako komunitatearen parte izan nahi duen ikasle eta famientzat. Zabaldu mezua!