Albisteak

Batxilergoko ate irekiak egin genituen lehengo astean, eta Arte Batxilergoaren bisita egiteko erakusketa polit bat antolatu genuen Arte Gelan. Jarraian dituzue ikusgai argazki batzuk, bai eta Arte Batxilergoari buruzko bideo interesgarria ere. Zabaldu ezazue interesa izan dezaketenen artean!

Euskadiko Kooperatiben Konfederazioak (KonfeKop) aitortza egin dio Zurriola Ikastolari, “Emakumearen ikusgarritasuna euskal kooperatibismoan” sustatzeagatik egindako lanagatik. Gure ardatzetako bat da hezkidetza, eta horretan jarraituko dugu, martxoaren 8an eta urteko gainerako egun guztietan!

Martxan da TREBA Gurasoak prestakuntza-ekimenaren 4. edizioa. Gipuzkoako Foru Aldundiak martxan jartzen duen programa honek gurasoak hezkuntza-gaitasunetan trebatuz, haurren eta nerabeen bizi-kalitatea eta aukerak hobetzea du helburu, eta Donostian martxoa eta azaroa bitartean garatuko da (programazioa). Hemen duzue lehen hitzaldia: elikadura jarrera osasuntsuak.

Atzo egin genuen teknologia berrien inguruko gurasoentzako saioa, Orain Prebentzioaren eskutik, eta informazio baliagarri ugari jaso genuen! Gainera, gure esperientzia eta kezkak partekatzeko aukera ere izan genuen. Egoteko aukerarik izan ez zenutenon eskura jarri nahi dugu “Teknologia berriak. Gurasoentzako gomendioak” txostena eta jardunbide egokien dekalogoa.

Badator EUSKARALDIA, eta aurreko edizioetan ez bezala, aurtengoan udaberrian ospatuko da, maiatzaren 15etik 25era. Ekintza desberdinak antolatuko ditugu Ikastolan, noski, baina orain norbanako gisa izena emateko unea da. Esteka honetan duzue izen-ematea, eta AHOBIZI edo BELARRIPREST rola aukeratu beharko duzue. Eman izena, eta gogoratu: gakoa jokaeran dago, ez gaitasunean!

Zuzendaritza eta Mugikortasun Batzordeko kideok Udaleko Mugikortasun Sailarekin izandako hartu-emanen ondorioz Grosetik Ikastoralara doan Ategorrieta hiribidean bi zebrabide berri egiteko asmo irmoa adierazi ziguten, dagozkien semaforoekin. Horretaz gain, Ategorrieta 47 inguruko zebra bidean semaforoen denborak aldatzea ere lortu dugu, oinez doazen gure haurrak kotxeek semaforoa gorriz daukatela pasa daitezen.

Atzo, "Gelatik plazara" bertsolari gazteen eskolarteko kanporaketan finalerako txartela lortu zuten LH 5 eta 6ko Harri Arin, Hodei Pineda, Asier Oskila eta Sara Iturri bertsolari gazteek. Finala Alegian izango da, martxoaren 30ean. Bejondeizuela! Zorte on-ona opa dizuegu finalean!

LH1eko lagunok Aintzinako Grezia lantzen ari gara. Bertan, Olinpiadak ezagutu eta guk geuk ere geure Olinpiadatxoak antolatu ditugu aste honetan. Soroara joan gara aste honetan, HH5eko lagunei gonbidapena ematera, eta gure jokoak ikustera etorri dira. Giro bikaina izan genuen!