Albisteak

Agur esan diegu danbor eta kupel hotsei, baina aurreko ostiralean Ikastolan egin genuen ospakizuneko irudiak partekatu nahi ditugu zuekin. Hemen dituzue Hurrako danborradako argazkiak eta Soroako ospakizunaren bideoa.

Bagera Donostiako Euskaltzaleen Elkarteak euskara saio ireki eta doakoak eskaintzen ditu astero, Donostiara iritsi berri direnentzat edota euskaratik urrun bizi direnentzat. Hortaz, egoera honetan dagoen inor ezagutzen baduzue, anima ezazue dinamika erraz eta jolasen bitartez euskara ikastera!

EHUko Weblearner ikerketa-taldea Lehen Hezkuntzako seme-alaben telefono mugikorren kudeaketan familiek duten pertzepzioa ikertzen ari da, eta gugana jo du laguntza eske. Hortaz, LHko familiei galdetegi labur hau betetzeko gonbitea luzatzen dizuegu, hiru minutu besterik ez dituzue beharko.

Otsailaren 3an hasi eta 14an amaituko da 25/26 ikasturterako aurrematrikulazio-epea. HHn interesa duten familientzat bakarkako elkarrizketak egiteko aukera zabalik dugu oraindik, eta hurrengo asteartean, urtarrilak 28, DBHko Ate Irekiak egingo ditugu Hurran. Zabaldu ezazue informazioa interesa duen inor ezagutzen baduzue!

LH 2ko lagunak Untzi Museoan izan gara gaur, gure arbasoak balea ehizatzera joaten zirenean egiten zituzten bidaiei buruz gehiago ikasten. Gauza asko ikasi ditugu, eta gainera balearen koipea eta botaka usaintzeko aukera ere izan dugu!

Joan den larunbatean prentsan albiste bat argitaratu zen esanez Arartekoak Hezkuntzari eskaera egin diola Zurriola ikastolaren kuoten kontra neurriak har ditzan. Egoera honen aurrean Zurriola Ikastolako Artezkaritza Kontseiluak guraso/bazkideoi ondorengo informazioa helarazi nahi dizue.

Zerbitzuaren Antolaketa hobetze aldera otsailetik aurrera garraio-zerbitzuan ezingo da txartel solterik erabili.

Haur Danborradaren eta Helduen Danborradaren txanda izango da astelehenean. Hemen duzue Haur Danborradari buruzko informazioa. Helduen Danborrada, aldiz, arratsaldean aterako da Groseko kaleetara, 18:45etik aurrera.