Albisteak

Gernika Palestina herri ekimenarekin bat egin, eta gertatzen ari denaren aurrean gure gaitzespena azaldu eta bakea, justizia eta itxaropena aldarrikatzeko mobilizazioekin bat egingo dugu. Datorren astelehenean, urriak 21, elkarretaratzeak egingo ditugu 10:00etan Hurrako atarian, 16:30ean Ategorrietako eskaileretan eta 16:45ean Soroa pareko parkean.

Igande honetan ospatuko da Nafarroako Ikastolen aldeko jaia Zangozan, eta gu ere beroketa-lanetan aritu gara aste honetan! “Piztu!” lelopean, Zangoza Ikastolak ibilbide eta egitarau polita prestatu ditu iganderako, eta larunbatetik joan nahi duenarentzat Oinez Asteburua ere izango da. Ospatu ditzagun Ikastolak!!

Teknologiaren erabilera egokia bultzatu nahi duten guraso taldeek Altxaburua Gipuzkoa sarea osatu dute, eta Zurriolako gurasoen Teknoiz taldea sare horren parte da. Ikastetxe barruan smartphone-aren erabilera lege bidez erregula dezaten eskatzeko bi ekimen jarri ditu sare honek martxan: Hezkuntza Sailera gutun-bidalketa eta sinadura-bilketa.

Igeriketa-ikastaroa hasi berri dugu, eta LH 3ko Akerbeltz gelako lagunok Intxaurrondoko igerilekura joaten ari gara ostiralero, GKAIko ikasleen eskutik igeriketa ikastaroa egitera. Hurrengo hiruhilekoetan beste bi gelen txanda izango da, eta ziur gu bezain gustura arituko direla!

DBH 3ko ikasleok Kilometroetako Erronkan parte hartu genuen igandean! Primerako eguna pasa genuen gainerako ikastoletako gazteekin batera. Eskerrik asko Azpeitiko Ikastolari!!

Pasa den astean kontatu genizuen Atef Abu Saif idazle palestinarra Ikastolan izan zela, Batxilergo 1. mailako ikaseelkin, Berria egunkariaren eskutik. Aste honetan bertan, gurean emandako hitzaldiaren inguruko erreportajea argitaratu du Berriak.

Horixe nahi dugu izatea gure Ikastola; mugikorrik (smartphonerik) gabeko arnasgunea. Ikusiko zenituzten hiru eraikinetako atarietan hori aldarrikatzen duten kartelak. Gurasoak eredu izan gaitezen dei bat da. Kontzientziazio lan bat. Gure seme-alabek ezin dituzte smartphoneak erabili ikastolako eremuan, gu ere saia gaitezen horretan.

Iritsi da Zurriola Ikastolako Helduen Danborradan izena emateko momentua! Anima zaitezte Ikastolako langile, guraso eta ikasle-ohiek osatzen dugun danborradan parte hartzera, eta Donostiaren egun handia elkarrekin eta euskaraz bizitzera!