Albisteak

Astelehenean, LH1eko lagunok egun pasa zoragarria egin genuen Ametzagaina parkean. Eguraldia lagun, parketik paseatu, inguruak ezagutu eta jolasean ibili ginen. Primerako eguna izan zen!

Komunikabideen gaia langu dugu LH 2ko lagunok, eta gaia borobiltzeko asmoz, EITBren Miramongo egoitzan egon gara aste honetan. Bertako instalazioak ezagutu, eta funtzionamendua bertatik bertara ikusteko aukera izan dugu!!

DBH 2ko ikasleok XXI. Eduardo Chillida Olinpiada Matematikoetan parte hartu dugu gaur! Ikastolan aurrekanporaketa egin dugu, ℼ egunarekin bate eginez, eta lurralde mailako lehiaketara zein ordezkari bidali erabakiko dugu datozten asteotan.

Euskal Kultur Erakundeak eta Bertsozale Elkarteak antolaturik, Biriatuko Ikastolaren aldeko bertso-saioa egingo dute apirilaren 5ean, 17:00etan. Plan bikaina bertsolaritzaz gozatu eta Iparraldeko ikastolei laguntza emateko!!

Aurten ere, Ikastolaren Festan hainbat lehiaketa egingo ditugu, baita tonbola eta bingoa ere. Ekintza horietarako sariak lortzeko asmoz, zuen laguntza behar dugu! Hemen duzue informazio guztia.

Hemen da berriro Errigora egitasmoa. Martxoaren 26ra bitartean Errigoraren “Nafar hegoaldeko uzta euskarari puzka” kanpainan parte hartzeko aukera duzue, eta saskiak Ikastolan jasotzeko aukera jarri dugu zuen eskura. Egin eskaerak webgunean!

DBH1eko ikasleok Historiaurrea eta Antzinaroa landu ditugu Gizarte Zientzietan, eta gure proiektua garatzeko, aro bakoitzeko bizimoduari eta garai haietako aztarnen funtzoei buruzko aurkezpena egin diegu LH 3ko ikasleei. Zeinen aberasgarria den ikasitakoa txikiagoekin partekatzea, eta elkarrekin denbora pasatzea!

1. batxilergoko Frantseseko ikasleok Bordelen izan ginen aurreko asteburuan. Eguraldia gure alde izan genuenez, hiria goitik behera ikusteko aukera izan genuen: birziklatutako "Darwin Écosistème" auzoa, la Cité du vin ingurua, erdigunea, bigarren eskuko merkatua eta elikagaien merkatuak. Giro bikaina, talde bikainarekin! Merci Bordeaux et à la prochaine!