Noticias

Etxekoentzako Gabon-txartelak egin ditugu LH 3tik 6rako ikasleek azken egunotan. Marrazki eta kopla ederrez apaindu ditugu txartelak, eta izugarrizko lan politak sortu ditugu. Hemen dituzue egindako lanen artean aukeratutako batzuk eta horien egileak eta beren bertsoak.

Aste honetan bertsotarako plaza bihurtu dugu gure aretoa. Hiruhileko honetan buru-belarri aritu gara LH6ko ikasleok bertsolaritza lantzen, eta bertso-saio bikainez gozatzeko aukeraz izan dute beren gurasoek eta LH5eko ikasleek. Zorionak bertsolari txiki guztiei!

Festa-eguna dugu abenduaren 21a Donostian, eta guztiok animatu nahi zaituztegu Ikastolak jarriko dituen postuetara gerturatu eta txistorra jatera! Batxilergo 2. mailako ikasleek Sarriegi Plazako 2. zenbakian jarriko dute postua, eta LH 2ko gurasoek, aldiz, Txofre plazan. Atera gaitezen kalera, eta goza dezagun festaz!

Asteartean, abenduak 24, Olentzeroren kalejira egingo du Ikastolak Gros auzoan barrena. Hauek dira aurten kontuan hartu beharreko oharrak:

Ospakizunez beteriko eguna izan dugu gaurkoa; izan ere, gauza asko genituen ospatzeko: San Tomas eguna, neguko oporren hasiera, Gabonak… Eta dakigun moduan ospatu dugu, musika askorekin, txistorra ogitartekoekin, elkarri egindako opariekin eta Olentzero eta Mari Domingiren bisitarekin! Egun polita izan da!

LH 5. mailako ikasleak LH 1eko ikasleongana etorri dira aste honetan, prestatu dituzten ipuinak kontatzera. Talde txikitan banatu eta giro zoragarrian aritu gara entzuten. Eskerrik asko!

Gabonetan euskara eta euskal kultura sustatzeko erronka jo digu Gurasoen Euskara Batzordeak. Oporretan euskararekin gozatzeko baliabide bilduma duzue hemen, adinaren arabera sailkatuta: euskarazko musika, jokoak, filmak, podcastak, aldizkariak eta askoz gehiago! Gozatu!

Tomaxen abenturak-ek bere azken emanaldia eskainiko du Abenduaren 29an Antzoki zaharrean. Izan ere, Zurriola Antzerki Eskolako irakasle den Joxerra Fachadok erretiroa hartuko du hil honen bukaeran.