Baionako Estitxu Robles Kolegioko lagunekin elkartrukea egin dugu aste honetan DBH 1eko lagunok! Haien etxeetan izan gara aste hasieran, eta astea amaitzeko haiek etorri dira gure etxeetara. Esperientzia ezin hobea izan da, eta lagun onak egin ditugu gainera!
Albisteak
OROKORRA
Ikastolatik kanpo ere plangintza zabala izango dugu eskura egun hauetan! Hemen duzue Korrikaren harira Grosen antolatu den egitaraua, eta bereziki dei egiten dizuegu Zurriola Ikastolako Gurasoen Euskara Batzordeak antolatu duen “Korrika eta Presaka” bakarrizketa-saioa ikustera, hurrengo asteazken arratsaldean Koba hostelean.
OROKORRA
Abiatu da Korrika, eta Euskal Herrian zehar 2500 kilometro baino gehiago egin ondoren, 11. egunean emango dio amaiera Baionan. Jarduera berezi ugariko egunak dira hauek Ikastolako geletan, eta hurrengo ostiral eta larunbatean kalera aterako dugu ospakizuna.
DBH3
Azken asteotan, DBH3ko ikaslek Haziberria egitasmoaren bigarren saioan parte hartu dugu Cristina Enea fundazioarekin eta Udaletxeko lorezainekin batera. Miramoneko basoan izan gara, eta hainbat zuhaitz espezieren landaketa-prozesua ezagutu eta gauzatu dugu.
LH
Martxoaren 8an Lasarten elkartu ginen Gipuzkoako bertso eskoletako hainbat bertsolari Gelatik Plazara sariketan. Zurriola Ikastolako bertsolariok ere bertan izan ginen, eta gure lehen plaza egin genuen!!!
OROKORRA
Zurriola Ikastolak ere egingo dizkio ekarpenak ekainean egingo den Ikastolen VII. Batzarrari, eta egindako planteamenduaren inguruan hausnartu eta ekarpenak biltzeko saioa egin genuen asteartean Ikastolako hainbat langile eta gurasok. Orain Artezkaritza Kontseiluaren txanda da, Ikastolen Elkarteari bidali aurretik ekarpenak bildu eta aztertzeko.
DBH2
DBH 2ko ikasleok XX. Eduardo Chillida Olinpiada Matematikoetan parte hartu dugu aste honetan! Ikastolan aurrekanporaketa egin dugu, lurralde mailako lehiaketara zein ordezkari bidali erabakitzeko.
LH1
Greziar Olinpiadak antolatu ditugu astelehenerako LH 1eko lagunok, eta aste honetan Soroara joan ginen, HH5eko lagunei olinpiadak ikustera etortzeko gonbidapenak ematera. Urduri gaude eguna noiz iritsiko!!!