LH

LH5eko ikasleok FIE ingeleseko ikastaroan aritu gara ekainaren 10etik 20ra. Alex, Emma, Lizzy, Laura eta Adamekin sorginei buruzko proiektua landu dugu, eta ingeles pila bat ikasi dugu!! English is fun!!!

Ikasturte amaiera honetan, proiektu desberdinak landu ditugu Ategorrietan: Zurrizirkua LH 3n, Zurriolinpiadak LH 4n eta Zirkua LH 5en. Prestaketa-lan guztiaren ondoren, aste honetan erakutsi ahal izan diegu egindako gainerako mailetako lagunei! Hemen dituzue emanaldi hauen hainbat irudi eta bideo.

LH 6ko ikasleok azoka solidarioa antolatu genuen duela aste batzuk, Etiopia-Utopia elkarteari laguntzeko. Aste honetan, elkarte horretako Josu eta Imanol izan ditugu gurean, eta bildutako dirua eman diegu. Gainera, beren eginkizuna azaldu digute, eta Tigray eskualdeko komunitatearen bizi baldintzak hobetzeko egiten duten lan garrantzitsua ikusi ahal izan dugu.

Ikastolen Elkarteak antolatutako Aisiola Hezitzaile Eskolako ikasleak etorri zaizkigu ikasturtea amaitu bitartean gure eguerdiak alaitzeko asmoz. Jolas ezberdinak proposatzen dizkigute hezitzaileek, eta gu pozik jolas berrietara jolasteko aukera dugulako.

Azkenean iritsi da gure txanda ere, eta LH 3ko lagunok Arotz Enean izan gara hiru egunez! Eguraldi zoragarria izan dugu, eta kobazuloak bisitatzeaz gain, medira txangoa egiteko aukera ere izan dugu. Pena hain azkar amaitzea!

Aurten ere, LH 6ko ikasleek Elkartasun Azoka antolatu dugu, eta oraingoan Etiopia-Utopia elkartea laguntzea adostu dugu guztion artean. Etiopiako eta, bereziki, Tigray eskualdeko komunitate behartsuenen bizi baldintzak hobetzeko lan egiten duen gobernuz kanpoko erakundea da. Eskerrik asko azokan parte hartu duzuen guztioi!!

Natura gaia lantzen ari gara LH 2n, eta hori aprobetxatuz Ulian izan ginen atzo egunpasa. Mendiaz gozatzeko giro eta eguraldi ederrak lagun izan genuen.

Ikasturte osoan zehar astero-astero Ategorrietako liburutegian izan gara LHko ikasle guztiak. Irakurzaletasuna sustatzeko jarduera ezberdinak egiten ditugu, eta oso gustura joaten gara liburutegira. Bide batez, etxean soberan dituzuen libururik izanez gero, eta egoera onean egongo balira, Ikastolara ekartzea eskertuko genuke, horrela gure liburutegia aberastuko baikenuke.

Oraingoan, hurrengo ikasturteko liburu eta materialari begira jartzeko unea iritsi da. Hemen ikus dezakezue hurrengo ikasturtean LH1etik Batxilergora bitarteko ikasleek zein liburu eta material beharko dituzten, eta eskaera Ikastolaren bidez egin nahi duzuenok galdetegia bete beharko duzue, gaurtik hasi eta ekinaren 9a bitartean.

Ategorrietako atarian, hiruhileko honetan ere, ikasleek utzitako aterki, jertse eta antzekoak pilatzen joan zaizkigu. Apirilean egin bezala, oraingoan ere deia egiten dizuegu hurrengo ostegunean, ekainaren 6an, arratsaldeko 16:30ean Ategorrietako atarian erakusgai jarriko ditugun arropa eta aterkiak begiztatzera, eta, zuen seme-alabenak badira, hauek jasotzera.