LH

Natura gaia lantzen ari gara LH 2n, eta hori aprobetxatuz Ulian izan ginen atzo egunpasa. Mendiaz gozatzeko giro eta eguraldi ederrak lagun izan genuen.

Ikasturte osoan zehar astero-astero Ategorrietako liburutegian izan gara LHko ikasle guztiak. Irakurzaletasuna sustatzeko jarduera ezberdinak egiten ditugu, eta oso gustura joaten gara liburutegira. Bide batez, etxean soberan dituzuen libururik izanez gero, eta egoera onean egongo balira, Ikastolara ekartzea eskertuko genuke, horrela gure liburutegia aberastuko baikenuke.

Oraingoan, hurrengo ikasturteko liburu eta materialari begira jartzeko unea iritsi da. Hemen ikus dezakezue hurrengo ikasturtean LH1etik Batxilergora bitarteko ikasleek zein liburu eta material beharko dituzten, eta eskaera Ikastolaren bidez egin nahi duzuenok galdetegia bete beharko duzue, gaurtik hasi eta ekinaren 9a bitartean.

Ategorrietako atarian, hiruhileko honetan ere, ikasleek utzitako aterki, jertse eta antzekoak pilatzen joan zaizkigu. Apirilean egin bezala, oraingoan ere deia egiten dizuegu hurrengo ostegunean, ekainaren 6an, arratsaldeko 16:30ean Ategorrietako atarian erakusgai jarriko ditugun arropa eta aterkiak begiztatzera, eta, zuen seme-alabenak badira, hauek jasotzera.

Aste honetan LH1ekoon txanda iritsi zaigu, eta Arabako Barria aterpetxean izan gara hiru egunez. Elkarren konpainiaz eta naturaz gozatzeko aukera izan dugu, eta parranda piska bat ere egin dugu. Ederki pasa dugu!

Euskal Herriko txoko desberdinetara joan ginen asteazkenean LH 2, 4, 5 eta 6ko lagunok, eta bertan pasa ditugu hiru egun. Ekarrekin konpainiaz eta naturaz gozatzeko aukera izan dugu Arantzan, Lizarran, Allon eta Zuhatzan.

Natura eta Euskal Herriko ekosistemak landu berri ditugu LH 1 eta LH 3ko lagunok, eta atzo egunpasa joan ginen ikasitakoak bertatik bertara ezagutzera.

Bi aste hauetan, LH 6ko ikasleak Gureakeko enpresara hurbildu gara bertan nola lan egiten duten ikustera. Enpresak egiten duen integrazio lanaz jabetu gara bertan.

LH3ko ikasleek igeriketa ikastaroari amaiera eman diogu gaur. Oso ondo pasa eta batez ere asko ikasi dugu. Mila esker GKAIko ikasle jatorrei. Monitore gisa lan bikaina egin duzue!!

Asteazkenean adimen desgaitasunaren inguruko hitzaldia jaso genuen LH 6ko lagunok Atzegi elkartearen eskutik. Naroak NI=ZU programa aurkeztu zigun, adimen desgaitasuna duten pertsonak lan munduan sartzen laguntzen dituen programa. Oso interesgarria izan zen!