LH

Ekosistemak ikasten ari garenez, LH5eko ikasleak Plaiaundira joan ginen ostegunean, bertako hegaztiak behatzera. Zikoinak, ahateak, antzarak... Bertatik bertara ikusteko aukera paregabea izan genuen!!

Asteartean, LH 4ko ikasleak Euskadiko Orkestra Sinfonikoaren emanaldiaz gozatzera hurbildu ginen Kursaalera. Bertan kontatuko istorioarekin bat eginez, maskarak prestatu genituen aurretik Ikastolan, eta jo zituzten piezak koreografia politekin lagundu genituen.

Astelehenean LH 1, 2 eta 3ko ikasleok Antzoki Zaharrean izan ginen, zinemaz euskaraz gozatzen. “Yhuku eta Himalaiako lorea” ikusteko aukera izan genuen!

LH 3ko Zezengorriok igeriketa-ikastaroa egiten ari gara hiruhileko honetan, Intxaurrondoko kiroldegian. Ostiralero joaten gara bertara, eta GKAIko ikasleak ditugu begirale. Akerbeltz taldekoek martxoa erdialdean hasiko dute beren txanda. Asteari amaiera emateko aukera paregabea inondik ere!!

Argitxo etorri da aste honetan Ategorrietara!! Danborradarekin loturik euskararen alde egindako kanpaina eskertu digu opari polit batekin: LH 1-2-3ko lagun guztientzako irteera Uliako Lore Baratzetara. Bideo honetan ikus dezakezuen moduan, primerako goiza pasa genuen Argitxori esker, guztiok elkarrekin!

Ostegunean LH 4ko ikasleok egun osoko irteera egin genuen, Albaolara. Bertan gure itsas hondarearen inguruan egiten den lanaren berri izateaz gain, euskaldunok balea-arrantzarako egiten genituen bidaiez, bertako indioekin izan genuen harremanaz eta sortutako industriari buruz asko ikasi genuen. Bertakoek gainera oso jator aritu ginela esan ziguten eta zoriondu egin gintuzten!

Aste honetan, LH3ko ikasleek "The wolf and the seven little kids" antzerkia aurkeztu digute, ingelesez, guraso nahiz ikasleei. A zer nolako antzezle finak ditugun! Primeran pasa dugu.

Unibertsoa gaiarekin lotuta, LH 3ko lagunok eureka zientzia museoan izan ginen atzo egun pasa! Bitxikeria pila ikusi eta esperimentatu genituen zientziarekin lotuta. Zenbat ikas daitekeen gure hirian!

Mugikorren eta sare sozialen gehiegizko erabilerak zenbait kalte ekartzen dizkiote haur eta gazteei, eta ikerketek diote arreta hor jarri behar dugula. Honi guztiari heltzeko, Bidelagun taldearen eskutik hitzaldi-tailer batzuk eskainiko ditugu otsailaren 8an LH5eko ikasleentzat lehenik eta gurasoentzat ondoren.

Mugikortasun Batzordeko gurasoek lanean jarraitzen dute zuen seme-alaben ikastolarako joan-etorria jasangarriagoa eta seguruagoa izan dadin. Bide ohikoenak identifikatu, seinalizatu eta LH4-6 bitarteko ikasleak elkarrekin eta modu autonomoan ibilbideak egin ditzaten animatzeko ekimenak dituzte oraintxe esku artean.