Noticias

Urriaren 29an Olarrizu Guraso Elkartearen batzarra egingo dugu, urtarriletik abuztura bitarteko emaitzak eta ikasturte honetako jarduera-plana aurkezteko. Zuen seme-alaben eskola-ibilbidean eragin zuzena izan ditzaketen ekintzen kudeaketan parte hartu nahi baduzue, animatu eta eman izena! Hona hemen bileraren deialdia.

DBH 3ko ikasleok Kilometroetako Erronkan parte hartu genuen igandean! Primerako eguna pasa genuen gainerako ikastoletako gazteekin batera. Eskerrik asko Lazkaoko Ikastolari!!

LH6ko ikasleok Uliako mendian barrena sartu ginen, naturaz gozatuz eta egun eder bat partekatuz. Ederrak gure bazterrak!

Egipto lantzen ari gara LH 3ko lagunok, eta Nilo ibaia urruti gelditzen zaigunez, gertuago dugun Urumea ibaia ezagutzera joan gara aste honetan! Nilo ibaia egiptoarrentzat zein garrantzitsua den ikusi dugu, eta aitzakia hori gure ibaia ezagutzeko probestu dugu.

Igeriketa-ikastaroa hasi berri dugu, eta LH 3ko Amalur gelako lagunok Intxaurrondoko igerilekura joaten ari gara ostiralero, GKAIko ikasleen eskutik igeriketa ikastaroa egitera. Hurrengo hilabeteetan beste bi gelen txanda izango da, eta ziur gu bezain gustura arituko direla!

LH1eko ikasleok burubelarri aritu gara lanean azken egunotan denboraren makinak eraikitzen. LH 5ekoen laguntza izan dugu gainera!! Makina hauei esker dinosauroen garaira bidaiatu ahal izango dugu datorren astean, prest gara abenturarako!

Zurriola Ikastolak 2025eko PISA ebaluazioan parte hartu ez bazuen ere, EAEko emaitzak erreferentzia garrantzitsutzat hartzen ditugu gure hezkuntza-jarduna aztertzeko eta hobekuntza-prozesuak bideratzeko. Honekin lotuta, Ikastolen Elkarteak emaitzen inguruan egindako irakurketa partekatu nahi dugu zuekin.

HH4ko eta HH5eko taldeak basoeskolako saioekin hasiko gara laster! Zirkular honetan duzue informazioa. Gure Basoeskola proiektuaren inguruan informazioa jasotzeko eta zalantzak argitzeko aurkezpen saio bat antolatu dugu urriaren 7an Soroan, arratsaldeko 17:00etan. Etortzeko asmoa baduzue izena eman galdetegi honi erantzunez, mesedez.