Noticias

Aste honetan, HH4 eta HH5ekoko lagunak Antzoki Zaharrean izan ginen Barraskiloa eta balea filma ikusten. Argitxok gonbidatu gintuen eta primeran pasatu genuen!

Asteazkenean, goiz polita pasa genuen LH2ko lagunok. Euskadiko Orkestrara joan ginen eta “Arriaga bizirik” ikuskizunaz gozatu genuen. Oso gustura egon ginen!

Uliako Lohitxikibehe urmaela bisitatu dugu aste honetan Batxilergoko 1. mailako Kultura Zientifikoko ikasleekin. Urmaeleko biodibertsitatearen inguruko ikerketa-lanaren lehenengo laginketa izan da hau, eta datu gehiago jasotzera itzuliko gara neguan eta udaberrian.

Badator Gau Beltza! Urriaren 31n, larunbatean, Gau Beltza ospatuko da, eta Groseko hainbat eragilek festarako egitaraua prestatu dute elkarlanean. Zurriola Ikastolako Gurasoen Jai Batzordeak ere parte hartu du prestaketa-lanetan. Hortaz, badakizue, hurrengo larunbatean, izarak jantzi, mamu zaharrak berpiztu eta 17:00etatik aurrera denok batera ospatuko dugu. Zabaldu mezua eta animatu lagunak!

Ohar honen bitartez, baina batez ere SEASKAko ikastolentzako laguntza eskatzen dizuegu. Ikastolatik egutegi bat salduko dizuegu (LH4tik BATX2ra) eta Hego Euskal Herriko ikastolen sarea osatzen dugun guztion eta guraso bakoitzaren 4 Euro horiekin laguntza izugarri handia emango zaie Iparraldeko ikastolei, eta behar-beharrezkoa dute. Zuen seme-alabei (senide gazteenari) abenduan emango diegu egutegia eta aipatutako 4 euroak urtarrileko erreziboarekin batera kobratuko zaizkizue. Laguntzarik ezin baduzue eman, ondorengo esteka bete, mesedez, urriaren 26a baino lehen.

Igande honetan ospatuko da Nafarroako Ikastolen aldeko jaia Zizur Nagusian, eta gu ere beroketa lanetan aritu gara aste honetan! “Bidean bat gara” lelopean, Erentzun eta San Fermin ikastolek ibilbide eta egitarau polita prestatu ditu iganderako, eta larunbatetik joan nahi duenarentzat Oinez Asteburua ere izango da. Ospatu ditzagun Ikastolak!

Azaroaren 28an, larunbatean, Haur Hezkuntzako ATE IREKIAK egingo ditugu. Gure hezkuntza-proiektua ezagutarazi eta ikasleak gureganatze aldera, ekimenaren berri zuen inguruan zabaltzeko eskatzen dizuegu. Izan ere, Ikastolako kide bakoitzaren keinu txiki batek oihartzun handia eragin dezake. Zabaldu mezua!

Herritik sortu ginen eta herri bat euskaraz josten dihardugu. Dozenaka milaka ikaslek, gurasok eta profesionalek osatzen dugu Ikastolen komunitatea. Jarrai dezagun elkarrekin, biharko Euskal Herritarrak gaurdanik hezten. Bidelagun ditugun sareetan eragiten. Biharko euskal hezkuntza nazional, euskaldun eta pedagogikoki aurrerakoia errealitate bihurtzen.