Noticias

LH 2ko ikasleak Euskadiko Orkestra Sinfonikoaren emanaldiaz gozatzera hurbildu ginen atzo Miramonera. Bertan, Beethoven, Mozart eta beste askoren melodia famatuetaz Disfrutatu genuen, modu misteriotsuan. Datorren astean LH4koen txanda izango da!

Asteazkenen arratsaldean, LH4ko ikasleok Arraun Lagunak taldeko Xubane Uribarrena arraunlari eta ikasle ohiaren bisita jaso genuen. Arraunaren, Ikastolako bizipenen eta kirolaren inguruan gelan prestatu genizkion galderei erantzun zien, eta oso gustora entzun genuen kontatutako guztia. Eskerrik asko, Xubane!!

Asteazken goizean, LH 6A gelako lagunak Okendoko liburutegi eta Gaztelekuan izan ginen jolasean. Leku bikaina larunbatetan ere familiarekin gerturatzeko. Primeran pasa genuen!!

DBH 4-ko Biologia eta Geologiako ikasleok Zumaiako Flyschak aztertzera joan ginen atzo, Euskal Herriko geologiari buruzko alderdi interesgarriak zuzenean ikustera. Eguraldi kaskarra izan genuen, baina museoa bisitatu ondoren Flyscha bertatik bertara ere ikusi genuen tarte txiki batean.

Aurten ere zorriak iritsi dira geletara, baita Bigarren Hezkuntzara ere! Baliatu dezagun asteburua guztiok “garbi” itzul gaitezen! Apurtu dezagun katea!

Gernika Palestina herri ekimenarekin bat egin, eta gertatzen ari denaren aurrean gure gaitzespena azaldu eta bakea, justizia eta itxaropena aldarrikatzeko mobilizazioekin bat egingo dugu. Datorren astelehenean, urriak 21, elkarretaratzeak egingo ditugu 10:00etan Hurrako atarian, 16:30ean Ategorrietako eskaileretan eta 16:45ean Soroa pareko parkean.

Igande honetan ospatuko da Nafarroako Ikastolen aldeko jaia Zangozan, eta gu ere beroketa-lanetan aritu gara aste honetan! “Piztu!” lelopean, Zangoza Ikastolak ibilbide eta egitarau polita prestatu ditu iganderako, eta larunbatetik joan nahi duenarentzat Oinez Asteburua ere izango da. Ospatu ditzagun Ikastolak!!

Teknologiaren erabilera egokia bultzatu nahi duten guraso taldeek Altxaburua Gipuzkoa sarea osatu dute, eta Zurriolako gurasoen Teknoiz taldea sare horren parte da. Ikastetxe barruan smartphone-aren erabilera lege bidez erregula dezaten eskatzeko bi ekimen jarri ditu sare honek martxan: Hezkuntza Sailera gutun-bidalketa eta sinadura-bilketa.