Noticias

Atzo Andoain-Leitza "tren txiki" bidea egin genuen GKAIkook (Zurriolako Gizarte eta kirol irakaskuntzako eta animazioko Lanbide Heziketakook ). 50 km inguru egin genituen, bizikletan, eguraldi eta giro ezin hobeaz lagunduta!

Aurten ere, Iparraldeko Ikastolen Elkarte den Seaskaren egutegiak jasoko dituzue LH 4tik gora seme-alabak dituzuen familia guztiek. Kobraketa (4€) abenduko erreziboan egingo zaizue. Familiaren batek EZ badu egutegia eskuratu nahi, bete galdetegi hau urriaren 27a baino lehen, mesedez.

Aurten ere, Hendaiako Ikastolak Txokolatezko Egutegien proiektua jarri du martxan, eta berriro ere Ikastolen arteko elkartasuna adieraziz eta iparraldeko Ikastolei bultzada emateko asmoz, Ikastolan bertan eskatu eta jaso ahal izango dituzue egutegiak, 12 euroren truke. Gaur bertan jaso dute ikasleek eskaera-orria.

Azken hilabetean albiste faltsuak behin eta berriz ateratzen ari dira itunpeko langileen lansarien ekiparazioaren inguruan, gizartean ikastolen inguruko ideia negatiboa zabalduz. Egoera horren aurrean, Ikastolen Elkarteak prentsa-ohar bat atera behar izan du informazio faltsua gezurtatuz eta argi adieraziz LABek Hezkuntzarekin (Ikastolen Elkartearen parte-hartzerik gabe) adostutako akordio honek Ikastolok ditugun kostuak ez finantzatzeaz gain, kostu gehigarria ekarriko digula.

Euskararen erabilera indartzea da Ikastolaren ardatz nagusietako bat, eta hori lortzeko bidean DBH 3 eta 4ko hainbat ikaslek Euskara Batzordea indartu eta lanari ekin diote aurten ere. Jarraitu dezagun guztion artean lanean!

Udalak A tegorrietan egitekoa zen Sorleku parkearen ordez disuasio-aparkaleku bat eraikitzekoasmoa du. Parte-hartze prozesu batean diseinatu genuen parkea (Ikastolako 300 ikaslek, besteak beste), eta hemen bizi garenontzako parke baten ordez, kanpotik datozenentzako aparkaleku bat egin nahi dute orain.

LH 2ko ikasleak Euskadiko Orkestra Sinfonikoaren emanaldiaz gozatzera hurbildu ginen atzo Miramonera. Bertan, Beethoven, Mozart eta beste askoren melodia famatuetaz Disfrutatu genuen, modu misteriotsuan. Datorren astean LH4koen txanda izango da!

Asteazkenen arratsaldean, LH4ko ikasleok Arraun Lagunak taldeko Xubane Uribarrena arraunlari eta ikasle ohiaren bisita jaso genuen. Arraunaren, Ikastolako bizipenen eta kirolaren inguruan gelan prestatu genizkion galderei erantzun zien, eta oso gustora entzun genuen kontatutako guztia. Eskerrik asko, Xubane!!