Noticias

Gipuzkoako, Bizkaiko eta Arabako ikastoletako langileek giza katea egin zuten atzo arratsaldean Donostiako Boulevardetik Gipuzkoako hezkuntzako lurralde ordezkaritzaraino, Eusko Jaurlaritzari 2023an sinatutako lan akordioa betetzeko eskatuz.

IKASTOLEN PROIEKTUAREN aldeko elkartasun adierazpena da TANTA, herritarrek ekarpena eginez egikaritzen dena. 5€ko elkartasun-txartelak erostearen trukean 60.000€ko zozketa batean hartuko duzue parte. Aurten, Ikastolako Batzar Orokorrak hala erabakita, familia bakoitzak gutxienez txartel bat eskuratu beharko du.

Saharako errefuxiatu kanpamenduetarako janari-bilketa egin dugu azken astean, eta eta gaur eskerrak eman nahi dizkizuegu Ikastolako familia guztiei! Izugarria izan da bildu dugun janari guztia, eta zuei esker izan da! Hemen duzue jasotakoarekin egindako bideoa.

Oraindik ere LHko ikasleentzako pandero-ikastaroan izena emateko aukera duzue! Ez galdu ostiral eguerdietan panderoa jotzen ikasteko aukera paregabea! Eman izena.

Astelehenean egin genuen Ategorrietan gurasotasunari buruzko hitzaldi irekia, Harremanak osasun-zentroko kideen eskutik. Jende mordoxka bat bildu ginen, eta gustura entzun genituen haurren garapenari eta haien bidelagun izateari buruzko aholkuak. Haurrekiko errespetuaz, mugen garrantziaz eta sen onaz aritu ginen.

LH 2ko lagunak Untzi Museoan izan gara gaur, gure arbasoak balea ehizatzera joaten zirenean egiten zituzten bidaiei buruz gehiago ikasten. Gauza asko ikasi ditugu, eta gainera balearen koipea eta botaka usaintzeko aukera ere izan dugu!

Unibertsoa gaiarekin lotuta, LH 3ko lagunok Eureka Zientzia Museoan izan ginen astelehenean egun pasa! Bitxikeria pila ikusi eta esperimentatu genituen zientziarekin lotuta, eta ikasitakoa sakontzeko aukera izan genuen planetariumean. Zenbat ikas daitekeen gure hirian!

Astelehenean, Donostiako Antzoki Zaharrean izan ginen LH 4, 5 eta 6ko ikasleok euskarazko zinemaz gozatzen, eta “Bram barrabas” filma ikusteko aukera izan genuen, Tinko euskara elkartearen eskutik. Primerako goiz pasa izan genuen!