Noticias

Giro ezin hobea aprobetzatuz, LH 3ko lagunok ekosistemen gaiarekin lotuta, Uliako Itsaslabarrak ikustera joan ginen. Mendi buelta polita egin ondoren, naturan murgilduta pasa genuen eguna.

Ategorrietako baratzetik jasotako letxuga eta errefauak dastatzen ari gara LH 5eko ikasleak. Azken hilabete honetan baratzean egindako lanak sabela betetzeko balio izan digu: Aizpea eta Enekok sukaldean letxugak garbitzen erakutsi digute, eta, gainera, gure ortuko entsalada dastatu ahal izan dugu.

Konfekoop Euskadiko Kooperatiben Konfederazioaren parte da Zurriola Ikastola, eta aurten Kooperatiben Nazioarteko Urtea dela ospatu eta eredu kooperatiboa hurbilagotik ezagutzeko “Humanity at Music” kontzerturako gonbidapena luzatu digute Ikastolako kide guztioi. Esteka honetan eskuratu ditzakezue sarrerak.

HH 5eko lagunak Ategorrieta ezagutzen izan gara gaur. Irailean LHko etapa hasiko dugu, eta bertako eraikina eta giroa aurrez ezagutzeak asko lasaitu gaitu. Penaz esango diogu agur Soroari, baina ikusi dugu Ategorrietan ere oso gustura ibiliko garela!!

LH3 eta LH6 bitarteko ikasleentzat eskola bideak abian jarri nahi ditugu ekainaren 2an (astelehena). Maiatzak 20ko bilerara etorri ahal izan ez zinetenentzat, hona hemen laburpena, eta WhatsApp talderako sarbidea. Bertan aurkituko duzue ibilbideei, ordutegiei eta funtzionamenduari buruzko informazio guztia! Bide horietan laguntzeko prest zaudeten helduok bete inprimaki hau mesedez!

LH6. mailako ikasleok Gureak-ek Goienetxen duen lantengian izan ginen. Bertan “Ni Zu=” desgaitasunari buruzko sensibilizazio-programan parte hartu genuen. Oso gustora egon ginen eta gauza asko ikasi genituen.

Ikastolaren festan Teknoizekoek bi hormairudi jarri genituen, nahi zuenak smartphoneen inguruko bere pentsamenduak, sentimenduak eta iradokizunak partekatu zitzan. Oso gauza interesgarriak jaso genituen, eta gehienok kezka bera partekatzen dugula agerian geratu zen: smartphnearen gehiegizko erabilera eta horrek giza-harremanetan duen eragina.

Igandean amaituko da Euskaraldia, eta ikastolan ia osatu dugu gure hamaikakoa. Hurbil zaitezte atarian ezagutzera! Girotze-lanetan LH 5 eta 6ko Musika Eskolako ikasleek sortutako bideoa ere partekatu nahi dugu guztiokin. Gogoratu, bestalde, Euskaraldiaren baitan Donostian antolatu diren ekintzetan parte hartzeko aukera duzuela asteburuan. Hemen duzue egitaraua, egunez egun.