Albisteak

Honezkero jakingo duzuenez, Nafarroako Hezkuntza Sailak 7 ikastolari Haur Hezkuntzako itunak ukatu edo murriztea erabaki du datozen 4 urteetarako. Kasu guztietan, duela lau urte Departamentu berdinak itunak esleitzeko erabili zituen irizpideak betetzen dituzten arren. Departamentuak irizpideak aldatzea erabaki du, alde bakarrez eta arbitrarioki.

“Gure haurrak ere badira” ekimenaren antolatzaileek eskerrak eman dizkigute urrian adierazitako elkartasun-uholdearengatik. Ekimen horren barruan saldutako kamisetei esker 66.000€ iritsi dira Palestinara!! Oraindik ere elkartasunarekin jarraitu eta kamiseta horien azken aleak eskuratzeko aukera duzue hemen.

Batxilergo 1eko FiIsika eta Kimikako ikasleok Saguesen izan ginen atzo, ikasturte honetan ikasitakoa aplikatuz. Zinematika, indarrak eta energia landu ditugu, eta skate-parkean eremu horiek aztertuta marruskadura-koefizientea kalkulatu genuen. Ikasitakoa errealitatearekin lotzeko aukera paregabea!

1. batxilergoko Frantseseko ikasleok Bordelen izan ginen aurreko asteburuan. Eguraldia gure alde izan genuenez, hiria goitik behera ikusteko aukera izan genuen: birziklatutako "Darwin Écosistème" auzoa, le Bassin des lumières, erdigunea, itsasontziz ibilaldia... Giro bikaina, talde bikainarekin! Bordelen gertatzen dena, Bordelen geratzen da! Merci Bordeaux et à la prochaine!

Maiatzaren 16an egingo dugu Ikastolaren Eguna, eta, ohikoa den moduan, egun horretan Ikastolan bazkaltzeko aukera izango dugu nahi dugun guztiok! Prestaketa lanetan hasi ahal izateko, zirkular hau irakurri eta maiatzaren 3a baino lehen izena-emateko eskatu nahi dizuegu.

Aurten ere, Ikastolaren Festan hainbat lehiaketa egingo ditugu, baita tonbola eta bingoa ere. Ekintza horietarako sariak lortzeko asmoz, zuen laguntza behar dugu! Hemen duzue informazio guztia.

HH 4ko laguntxoak autobusa hartu eta Arotzeneara joan ginen astelehenean, bertan gaua pasatzera. Etxarri Larraul herriko leku esanguratsuak bisitatu, eta bertako abereak gertu-gertutik ikusi ditugu. Lehenengo aldiz laguntxoekin parranda eta ondoren lo goxoa egin dugu. Primeran ibili gara. AUPA GU!!!

22. Giza Eskubideen Zinemaldiaren harira, astelehenean LH 4ko lagunok Antzoki Zaharrera joan ginen film bat ikustera. Asko gozatzeaz gain, doluaren inguruan hausnartzeko balio izan zigun.