Noticias

Hemen da berriro Errigora egitasmoa. Martxoaren 26ra bitartean Errigoraren “Nafar hegoaldeko uzta euskarari puzka” kanpainan parte hartzeko aukera duzue, eta saskiak Ikastolan jasotzeko aukera jarri dugu zuen eskura. Egin eskaerak webgunean!

DBH1eko ikasleok Historiaurrea eta Antzinaroa landu ditugu Gizarte Zientzietan, eta gure proiektua garatzeko, aro bakoitzeko bizimoduari eta garai haietako aztarnen funtzoei buruzko aurkezpena egin diegu LH 3ko ikasleei. Zeinen aberasgarria den ikasitakoa txikiagoekin partekatzea, eta elkarrekin denbora pasatzea!

1. batxilergoko Frantseseko ikasleok Bordelen izan ginen aurreko asteburuan. Eguraldia gure alde izan genuenez, hiria goitik behera ikusteko aukera izan genuen: birziklatutako "Darwin Écosistème" auzoa, la Cité du vin ingurua, erdigunea, bigarren eskuko merkatua eta elikagaien merkatuak. Giro bikaina, talde bikainarekin! Merci Bordeaux et à la prochaine!

Zure euskara maila hobetu nahi duzu? Edota gehiago erabili? Soroa eta Ategorrietako atariak euskaldundu nahi dituzu? Euskara hitz egiteari lotsa galdu? Oraintxe duzu aukera, apuntatu MINTZALAGUNA ZURRIOLAN ekimenean galdetegi honen bidez. Ekimenari hasiera emateko, apirilaren 1ean Ategorrietako jangelan egingo dugun askarira etortzera gonbidatzen zaitugu

Ikastolako hizkuntza paisaia moldatu nahi du Gurasoen Euskara Batzordeak, ikastolako gune guztietan, baita atarian ere, haurrek zein helduok euskaraz egin behar dugula gogorarazteko. Aurrerantzean, beraz, “Hemen ere euskaraz” kartelak ikusiko dituzue hiru eraikinetako atarietan. Euskararen erabileran ere, izan eredu!

DBHko Euskara Batzordeko ikasleok gelaz gela ibili gara Soroa, Ategorrieta eta Hurran, eta euskararen lore bana utzi dugu gela bakoitzean. Loreek bezalaxe, euskarak ura behar du, erabileraren ura. Hortaz, hemendik eta udaberriko oporretara bitartean, euskararekin ureztatuko ditugu loreak geletan, eta apirilaren 11n Txofren bilduko gara udaberria ospatzeko!

Bihar dugu Emakumearen Nazioarteko Eguna, eta berdintasunaren aldarrikapena egin dugu Ikastolan! Gure aldarriekin apaindu dugu Ikastola, eta Hurran eta Soroan dantzan erreibindikatu dugu egunero dela M8!

Azken hilabete honetan, lanbideen gaia landu dugu LH 2ko ikasleok. Lanbide desberdinak ezagutu ahal izateko, hainbat gurasoen bisitak izan ditugu gela guztietan. Mila esker zuen denbora gurekin partekatu duzuen guztioi! Oso polita izan da!!