Albisteak

IKASTOLA PROIEKTUAREN aldeko elkartasun adierazpena da TANTA, herritarrek ekarpena eginez egikaritzen dena. 5€ko elkartasuntxartelak erostearen trukean 60.000€ko zozketa batean hartuko duzue parte. Zozketa, 2025eko EKAINAREN 20an egingo da. Eskaera martxoaren 13a baino lehen egitera animatu zaitezte!

Ostegun gizenarekin batera, mozorro librearen eguna ospatu genuen Ikastolan. Soroan desfile polita egin genuen, Ategorrieta Zurrasic Park bihurtu zen egun batez eta Hurran ere denetariko mozorroak ikusi genituen. Gure jardunarekin jarraitu arren, zein polita den Ikastola kolorez beteta ikustea!

Iritsi dira aurten ere Inauteriak Euskal Herrira, eta gaur Euskal Inauterien txanda da gurean. 15:30ean aterako gara Groseko kaleak kolorez eta musikaz betetzera, eta 15:45ean abiatuko da Soroatik Hurrarako kalejira. Hurran bertan emango diogu guztiok batera amaiera festari! Hurrengo astean partekatuko dizkizuegu egun osoko irudiak.

Zarauzko Salbatore Mitxelena ikastola Hezkuntza Sailak jarritako isuna ordaintzeko ekintza ugari antolatzen ari da, eta oraingoan Hartxintxar lasterketa antolatu dute martxoaren 29rako. Gozatu dezagun kirolaz eta giroaz, eta lagundu diezaiogun Zarauzko ikastolari!!

Dagoeneko eskura dugu Ikastolen Elkarteko Zirimola aisialdi taldeak uda honetarako egin duen eskaintza! Goza dezagun udaz euskaraz!

Gertu dago Batxilergoko eta Lanbide Heziketako aurrematrikulazioa, eta ate irekiak antolatu ditugu, etapa horien berri eman eta gure eskaintzaren inguruan hitz egiteko. Martxoaren 18an egingo ditugu Batxilergoko Ate Irekiak, 17:30ean Hurran. GKAI-ko ate irekiak ere Hurran izango dira, martxoaren 20an, 17:30ean. Zabaldu mezua, eta anima ezazue jendea! Izen-ematea zabalik dago webgunean.

Uliara irteera egin genuen igandean Zurrimendiko lagunok! Eguraldi apartaz gain, giro ederrean eta euskaraz pasa genuen eguna, eta iazko dominak banatu genituen! Laster gehiago!

Otsailaren 19an eta 20an, 4 eta 5 urtekoak Euskadiko Orkestrako emanaldia ikustera joan ginen Miramonera. Ikaragarri gozatu genuen “Ilargiari kantari” ikuskizunaz, eta, gainera, gure sorpresarako orkestrako biolin-jolea Zurriolako ikaste ohia zen, Amaia Asurmendi. Oso ondo pasa genuen haiekin abestuz eta dantzatuz!