Zurriola eraberritzen elkarlanean

Zurriola Ikastolan berrantolaketa prozesuan murgilduta gaude. Hainbat lan burutu behar dira bide horretan.
Lehen urratsak egin ditugu jada, beti bezala langile eta gurasoak elkarlanean. Horren adibide ekainaren 21ean egin genuen altzari garraioa.
Mila esker bertan parte hartu zenuten guztioi! Guztiok, guztiona, guztiontzat!

2013-14 ikasturtean laguntza gelan egindako eskulanak

Aurten Ane Minguez eta Olaiak eskulan asko egin dituzte. Beraien irudimena eta gelan landutako gaiak kontutan harturik sortu dituzte. Lanean oso gustura azaldu dira eta biziki disfrutatu dute elkarrekin.
Zorionak Ane, artista bat zara!

Ainhitze Egaña - DKV Fresh Art lehiaketa

Ainhitze Egaña arte batxilergoko ikasleak DKV aseguru etxeak antolatzen duen Fresh Art lehiaketan eskultara ataleko 3 lan onenen artean sailkatu da.
Honela, uztailan Valentziako arte eskolan ikastaro bat jasoko du sari gisa. Bertan, osatuko duen lanarekin, finalean lehiatuko da gainontzeko irabazleekin.
Zorionak eta asko gozatu!

2014ko 26. Gazteen Antzerki Topaketako talde irabazleak!

Gazteen Antzerki Topaketako 26. edizioa, 2014ko maiatzaren 12an hasi eta ekainaren 19an amaitu da.
Aurten 18 antzezlanek parte hartu dute, bi kategoriatan banatuta: Junior eta Senior.

Baratze Baserri Eskola - Irteera LH 5

Ekainaren 11tik 13ra LH 5. mailako ikasle eta irakasleak, Baratze Baserri Eskolara, Bizkaira, joan ginen. Kontuan izanik gure ikasleak hiritarrak direla eta baserri honek eskaintzen dituen txokoak BARATZA TAILERRA, ESKULANGINTZA, LORAGINTZA, ERLEGINTZA eta ANIMALIAK, esperientzia bikaina izan zen. Aurtengo berrikuntza, azken txokoan, zaldien tailerrean, ingelera hutsean egin diete, ikasle gehienek primeran ulertuz.
Primerako egunak izan ziren!

ZAE: txanodun jertseen aurkezpena — 14/15 ikasturtean salgai!!

Zurriola Antzerki Eskolan txanodun jertse dotore batzuk prestatu ditugu, 14/15 ikasturtetik aurrera saltzeko asmoz.
Ikastolako gurasoek txanodun jertse horiek nolakoak diren ikusi ahal izateko, tamaina eta kolore ezberdinetako ale batzuk eskuragarri edukiko dituzue honako data eta ekitaldietan:
Ekainaren 19an – [17:30-19:00] – Hurrako aretoan – [antzerki eskolako festa]
Ekainaren 20an – [17:30-20:30] – Hurrako atarian - [ikasturte bukaerako festa]

Mikel Laboa-ren bizitza eta lanak - LH 5

Ekainaren 5ean, osteguna, Mikel Laboaren bizitza eta lanak jasotzen dituen bideoa aurkeztu zuten LH 5. mailako ikasleek. Bertara gonbidatu zituzten gurasoak. Ikastolara etorri ziren Juan Kruz Igerabide (Mikel Laboa Katedrako zuzendaria) eta Marisol Bastida (Mikel Laboaren alarguna).
Ikasle hauen hitzetan, kantuan eta dantzetan ikusi ahal izan ziren Mikelek utzitako harri bitxi batzuk.

Laga taldearen "Sagu tranpa" - Zurriola Antzerki Eskola

Ekainaren 12an arratsaldeko 20:00etan Antzoki Zaharrean!!!
Agatha Christi-ren eleberrian oinarritutako antzerki bikaina! Misterioz betea...
Etor zaitez Gazate Antzerki Topaketetara!!!

Ikasbidaia - DBH 4

Apirilaren 28tik 30era Cala Canyellesera joan ginen DBH4ko ikasleak. Momentu hori iristeko irrikan geunden, hori baitzen itxaroten ari ginena. Nahiz eta autobusean lo egiteko gogoa eduki, gure barruko sentsazio batek ez zigun begirik ixten utzi. Bidaia luzea izan arren, laburra egin zitzaigun, denak elkarrekin geundelako, gure familia txikian.

TELP - Prestakuntza saioak

Sei astetan zehar, irakasle talde batek (DBH eta LH) prestakuntza saio batzuk jaso ditu. TELP (Taller d´Espai Lingüístic Persona) da landutako ikastaroaren izena, eta Emun Kooperatiba arduratu da hori aurrera eramateaz.

Saio hauetan zera azaldu digute: ingurukoen hizkuntza ohiturak euskalduntzeko lehenik norberak bereak aztertu eta zuzendu beharko dituela.  Hainbat egoeratan naturaltasunez eta eroso jokatzeko baliabideak jaso ditugu, eta oinarrizko ideia baten inguruan aritu gara, euskaraz modu erosoan bizitzeko aukera gure esku dagoela!

Orriak

-era harpidetu