LH

Mugikortasun Batzordeko gurasoek lanean jarraitzen dute zuen seme-alaben ikastolarako joan-etorria jasangarriagoa eta seguruagoa izan dadin. Bide ohikoenak identifikatu, seinalizatu eta LH4-6 bitarteko ikasleak elkarrekin eta modu autonomoan ibilbideak egin ditzaten animatzeko ekimenak dituzte oraintxe esku artean.

Neguko udaberri giro hau aprobetxatuz, LH 6ko lagunok Uliako Lore Baratzetan izan gara aste honetan goiz pasa, naturaz gozatzen! Hain gertu halako altxorrak izateak abantaila ugari ditu!

Ostegunean, LH 4ko lagunak Antzoki zaharrera joan ginen, “Orkestra lurtarra” filma ikustera. Asko gustatu zitzaigun eta primeran pasa genuen, eta filma ikusteaz gain bidetik ere elkarrekin euskal abestiak abesteko aukerra izan genuen.

Asteazkenean, Araitz, Eneko, Kaiet eta Lur, LH6 eta DBH2ko ekoordezkariak, udaletxeko proiektu eta obren departamentuko teknikari batekin eta auzoko ikastetxe desberdinetako ekoordezkariekin bildu ginen.

Etxekoentzako Gabon-txartelak egin ditugu LH 3tik 6rako ikasleek azken egunotan. Marrazki eta kopla ederrez apaindu ditugu txartelak, eta izugarrizko lan politak sortu ditugu.

Musika eta Dantza Eskolako LH 4, 5 eta 6ko ikasleok San Jose de la Montaña zaharren egoitzan izan ginen, Gabon kantak abestu eta dantzatzen, eta gaur LH 2ko lagunok Domus Vi egoitzan izan gara. Zeinen polita den inguruan giro polita zabaltzea!

Ategorrietako atarian hiruhilekoan zehar ikasleek utzitako aterki, jertse eta antzekoak pilatzen joan zaizkigu. Beraz, deia egiten dizuegu hurrengo astelehen eta asteartean, abenduaren 18 eta 19an, arratsaldeko 16:30ean Ategorrietako atarian erakusgai jarriko ditugun arropa eta aterkiak begiztatzera.

Aurten ere bertsotarako plaza bihurtu dugu gure antzerki aretoa. Hiruhileko honetan buru-belarri aritu gara LH6ko ikasleok bertsolaritza lantzen, eta bertso-saio bikainez gozatzeko aukera izan dute familiek. Zorionak bertsolari txiki guztiei!

Asteartean, Donostiako Antzoki Zaharrean izan ginen LH 1, 2 eta 3ko ikasleok euskarazko zinemaz gozatzen, eta “Izurde mutikoa” filma ikusteko aukera izan genuen, Tinko euskara elkartearen eskutik. Primerako goiza pasa genuen!

Joan den asteko Ikastolarako bideen mugikortasun ohituren inkestaren emaitzen argitarapenarekin jarraituz, Mugikortasun Batzordeak ZURRIOLAKO ESKOLA-BIDEAK sustatzea du helburu, LHko ikasleak Ikastolara taldean etor daitezen.