DBH

DBHko Ikasleen Euskara Batzordeak lehiaketa musikatua antolatu du, eta urtarrilaren 29tik gaur arte egon da martxan DBH osoan. Euskal kultura eta aisia uztartzeko asmoz antolatu da kanpaina, eta gaur jakin dugu nor izan diren irabazleak! Zorionak Inge, June, Malen eta Maria!! Eta eskerrik asko antolaketa lanetan aritu zareten guztioi!

DBH 2ko ikasleok aste honetan amaitu dugu euskarazko Wikipedian egin dugun lana. Denera 25 artikulu berri sortu ditugu Txiegin kipedia atalean: pertsonaiak aukeratu, testuak sortu, zuzendu, editatu eta igo ditugu elkarlanean. Hona hemen sortutako artikulu baten adibidea, gertukoa dugun norbaitena gainera!

DBH 2ko hainbat ikasle Eretan izan ginen aurreko asteburuan, Ikastolako irakasle eta Ikastolen Elkarteko begiraleek lagundurik. Elur oso gutxi zegoen arren, eskiatzeko aukera izan genuen, eta asteburua lagunekin pasatzea beti da zoragarria!!

DBH 3ko ikasle diren Jone eta Brunok elkarrizketa interesgarri hau idatzi dute Irutxuloko Hitzarako. Bertan, jangelako langileek emandako informazioarekin, gure jangelaren ezaugarri eta helburuak zabaldu dituzte astekari honen irakurleen artean.

Aste honetan, Euskarabenturako lagunak izan ditugu DBH 4 eta Batxi 1eko geletan, euskal geografia, kultura eta historia lagunartean ezagutzera eramango dituen oinezko espedizioa aurkezten.

DBH 4ko ikasleok 2024. urterako egutegi berezi bat sortu dugu, collage teknika eta euskarazko atsotitzak uztartuz. Datorren astean, Soroa eta Ategorrietako atarietan salgai jarriko ditugu, Soroan astelehenean eta Ategorrietan asteartean.

Aste honetan, DBH 1eko ikasleak Ategorrietan izan gara hilabete hauetan sortutako kanpaina baten berri emateko. Zaporeak elkartearekin elkarlanean Lesboseko errefuxiatuei otordu bat eskaintzeko janari bilketa egin nahi dugu.

Mugikorren eta sare sozialen inguruko kezka gero eta handiagoa da, eta aurten ere ikasle eta gurasoentzako formakuntza-saioak antolatu ditugu, Orain Prebentzioa elkartearen eskutik.

Iaz Plastika ikasgaian collagea landu eta Euskarakoan atsotitzekin aritu ostean, biak uztartu eta 2024 urterako egutegi bikaina egin dute DBH4ko ikasleek. Ikasturte honen amaieran ikasbidaia izango dute, eta egutegi hauen salmentaren bitartez bidaiarako laguntza jasoko dute.

Telebistako eztabaida-saio polemikoak ugaldu eta literatur saioak murrizten ari diren garai hauetan, DBH2ko ikasleek beraiek antolatu dituzte literatur-tertuliak. Euskara arloan ikasitakoa aplikatuz tertuliak landu dituzte aste honetan.