Noticias

DBH 4ko ikasleok Kutxa Fundazioak antolaturiko Inspira Bizitza jardunaldian parte hartu genuen astelehenean. Ibilbide akademiko eta irteera profesional anitzen inguruan aurkezpenak eta lekukotzak jaso genituen hainbat profesionalen eskutik, eta gure zaletasunak identifikatu eta bideratzen laguntzeko aholkuak eman zizkiguten.

Aurten ere, Zuberoako Ikastolak laguntzeko aukera izango dugu bertako gurasoek ekoitzitako produktuekin egindako Gabonetako saskiak erosiz. Ikastolen arteko elkartasuna adieraziz eta iparraldeko ikastolei bultzada emateko asmoz, aurten ere Zurriola Ikastola produktu hauek jasotzeko gunea izango da.

Geroz eta gertuago dago Euskararen Eguna, eta egun horretan egingo ditugun ospakizunetan “Euskaraz bizi nahi dut” kamisetak soinean janzteko deia egin nahi dizuegu guztioi. Armairuan kamisetarik ez baduzue, esteka honetan eros ditzakezue!

Pasa den Ikasturtean Ikastolako komunitateak datozen urteetako ildo estrategikoak zehazten dituen plana diseinatu zuen. Bide batez, Zurriola Ikastolaren Xedea, Ardatza eta Printzipioak eguneratu dira, betiko oinarriak gaurko gizartearen ezaugarriekin uztartuz.

Behin eta berriz azpimarratzen dugu Ikastolako martxan gurasoen parte-hartzearen garrantzia. Gure seme-alaben ibilbideaz arduratzeaz gain, badudu Ikastolaren bitartez komunitateari ekarpen handia egiteko aukera. Izan gaitezen ekintzailetasunaren eta kooperatibismoaren eredu gurasoen batzordeetako batean izena emanaz. Animatu!

DBH 3ko ikasleok Cristina Enea Fundazioaren Haziberria proiektu parte hartuko dugu aurten ere, bertako espezieen biziraupena bermatu eta ingurumenaren ezagutzan sakontzeko. Ametzagaina parkean haziak bildu eta Putzuetako mintegian erein ditugu aste honetan.

Azaroaren 14an, irakurzaletasunaren inguruko hitzaldia izango dugu Ategorrietako jangelan, 17:30etik 19:00etara, Galtzagorri irakurketa mintegiko Junkal Lentxundiren eskutik. HH eta LHko haurren irakurketa-ohiturekin kezkatuta gauden helduak gaude gonbidatuta: gurasoak, aiton-amonak, irakasleak…

ADI! Sorleku parkearen aldeko protesta koloretsua egingo dugu azaroaren 7an, 17:00etan, ikastola ondoan dagoen Maritxu Guler parketik. Udalean ere aparkaleku erraldoi horren aldeko ahotsak bakarrik geratzen ari diren arren, ezer ez dago irabazia oraindik eta parke eder horren alde gure ahotsa entzunarazteko momentua da. Zabaldu deialdia eta zatoz, ederra izango da!