Albisteak

Zurriola Ikastola IKEk bere Ohiko Batzar Orokorra egingo du abenduaren 19an, asteartez, arratsaldeko 19:00etan Hurrako areto nagusian. Ikastolako bazkide guztioi dei egiten dizuegu parte hartzera.

Joan den asteko Ikastolarako bideen mugikortasun ohituren inkestaren emaitzen argitarapenarekin jarraituz, Mugikortasun Batzordeak ZURRIOLAKO ESKOLA-BIDEAK sustatzea du helburu, LHko ikasleak Ikastolara taldean etor daitezen.

Batxilergo 2ko gurasoek orientazio akademikoari buruzko saioa izan zuten asteazken arratsaldean, hurrengo ikasturtetik aurrera beren seme-alabek eskura dituzten bideak eta horien prozedurak hobeto ezagutzeko. Urte garrantzitsua da aurtengoa, eta famailiek ere beren papera dute hartu beharreko erabakietan.

Aurten ere, azaroaren 25aren harira, EZ DIO MUNSTRO TXIKIK ipuinaren lanketa egin dugu HHn. Batzuk txotxongiloak egin, eta beste batzuk ormairudi ederrak egin ditugu. Lan ederra izan da!!

Abiatu ditugu Musika Eskolaren lehen hiruhilekoko emanaldiak! Asteartean MUSIKALEAN egin behar genuen, auzoko kaleetan, Santa Xixili eguna ospatzeko, baina eguraldiaren eraginez Hurran ospatu behar izan genuen. Ea hurrengoetan zorte handiagoa dugun!!

Hurrengo ostegunean Euskal Herriko Mugimendu Feministak greba orokorrerako deia egin du, eta Ikastolan izango duen eragina aztertzen ari gara. Etapa bakoitzeko antolaketa zehatzaren berri asteartean emango dizuegu, zirkular bidez. Baina jakin ezazue aurreikuspenen arabera langilegoaren gehiengo batek deialdiarekin bat egingo duela.

Hemen da berriro Gipuzkoako Foru Aldundiaren TREBAGURASO programa, gurasoentzako doako prestakuntza-eskaintza. Ikastolan egiten ditugun formakuntza-saioez gain, eskaintza hau ere zuen eskura jarri nahi dugu, ezinbestekoa iruditzen baitzaigu gurasoen prestakuntza seme-alaben heziketan bidelagun izateko!

Iazko ikasturtean, Jangela Batzordea martxan jarri eta bertan parte hartzeko deialdia zabaldu genuen. Era berean, galdetegi bat bidali zen jangela erabiltzaileen familiek puntu ezberdinen inguruan bere iritzia eman zenezaten.