Zarauzko Salbatore Mitxelena Ikastolari 140.000 eurotako isun ekonomikoa jarri zion urtarrilean Hezkuntza Sailak, ikasleen matrikulazio-araudi berriak ezarritako ikasle topearen gainetik Ikastolako kide izan nahi zuten familia guztien HH2ko haurrak jasotzeagatik.
Albisteak
LH4-6
Eskola Bideak programa martxan jartzeko lanketa egiten ari gara Ikastolako Agenda 30 lantaldea eta Mugikortasun Batzordea, Donostiako Udalaren aholkularitzarekin. Lanketaren helburua LH 4tik LH 6rako ikasleek etxetik Ikastolarako bidea modu seguru eta autonomoan egitea da. Udaberriko oporren ostean ikasleen eskutik emango dizuegu lanketari buruzko informazio zehatzagoa.
GURASOAK
Haur eta gazteek teknologia berriekin egiten duten erabilera desegokiak kalte larriak sor ditzake, eta, ikasleek egiten dituzten lanketez gain, gurasook ere horren berri izatea ezinbestekoa da. Arrisku horiek ezagutu eta ekiditeko helburuarekin gurasoentzako saio bat antolatu dugu aurten ere, “Orain Prebentzioa” elkartearen eskutik, martxoaren 20an, 17:00etan.
LH5
Ekosistemak ikasten ari garenez, LH5eko ikasleak Plaiaundira joan gara aste honetan. Asteazkenean LH5A eta LH5C-ren txanda izan zen eta ostegunean, berriz, LH5Bkoena. Bertako hegaztiak behatzeko aukera ezin hobea izan genuen: zikoinak, ahateak, antzarak... Zein altxor politak ditugun gure inguruan!
LH4
LH 4ko ikasleok Antton Kazabon idazlearen bisita izan genuen atzo. "Momolo”, “Elurretako leopardoaren bila" eta "Sekretuak eta karameluak" liburuak irakurri eta gero, hainbat galdera egin eta elkarrizketa polita izateko aukera izan genuen.
DBH4
Aste honetan, DBH 4ko ikasleok bihotz biriken bizkortzeari buruzko ikastaro batean parte hartu dugu, Gurutze Gorriaren eskutik. Inguruan BBB-a egiteko beharra dagoenean nola jokatu behar den ikasi dugu, guztiok seguruago egon gaitezen!
LH3-6
Maiatzaren 3an Pirritx, Porrotx eta Mari Mototsi herri-omenaldia egingo zaie BECen, eta omenaldirako hainbat bideotan eta egunean bertan oholtzan egoteko umeak behar dituzte. LH 3tik 6ra bitarteko zuen seme-alabek parte hartzea nahi baduzue, bete ezazue galdetegi hau martxoaren 12a baino lehen.
OROKORRA
IKASTOLA PROIEKTUAREN aldeko elkartasun adierazpena da TANTA, herritarrek ekarpena eginez egikaritzen dena. 5€ko elkartasuntxartelak erostearen trukean 60.000€ko zozketa batean hartuko duzue parte. Zozketa, 2025eko EKAINAREN 20an egingo da. Eskaera martxoaren 13a baino lehen egitera animatu zaitezte!