Albisteak

Azaroaren 14an, irakurzaletasunaren inguruko hitzaldia izango dugu Ategorrietako jangelan, 17:30etik 19:00etara, Galtzagorri irakurketa mintegiko Junkal Lentxundiren eskutik. HH eta LHko haurren irakurketa-ohiturekin kezkatuta gauden helduak gaude gonbidatuta: gurasoak, aiton-amonak, irakasleak…

ADI! Sorleku parkearen aldeko protesta koloretsua egingo dugu azaroaren 7an, 17:00etan, ikastola ondoan dagoen Maritxu Guler parketik. Udalean ere aparkaleku erraldoi horren aldeko ahotsak bakarrik geratzen ari diren arren, ezer ez dago irabazia oraindik eta parke eder horren alde gure ahotsa entzunarazteko momentua da. Zabaldu deialdia eta zatoz, ederra izango da!

Asteazken goizean, LH 6C gelako lagunak Okendoko liburutegi eta Gaztelekuan izan ginen jolasean. Leku bikaina larunbatetan ere familiarekin gerturatzeko. Primeran pasa genuen!

Aurten Zurriola Ikastola, Eskoletako Urmael Sarearen (EUS) ekimenaren partaide berria bilakatuko da. Aranzadi Zientzia Elkartea eta Donostiako Udalaren laguntzarekin, Ulian, Arbola pasealeku amaieran dagoen Loitxikibehe urmaela egokitzeko ardura egokitu zaigu.

Aurten ere Errigora egitasmoan parte hartzera animatu nahi zaituztegu. Azaroaren 24ra bitarte “Errigoraren Nafarroa erdi eta hegoaldeko uzta euskarari puzka” kanpainan parte hartzeko aukera duzue, eta saskiak Ikastolan jasotzeko aukera jarri dugu zuen eskura. Erositako saskien balioaren %25 zonaldeko euskalgintzari bideratuko zaio. Egin eskaerak webgunean!

Aurreko ostiraleko "Lansarien ekiparazioaren inguruko gezurrak gezurtatzen" albistean idatzitakoak gaizki-ulertuak sor ditzakeenez, horiek argitu nahi ditugu. Albistean aipatzen den bezala, Langile batzordeak eta Ikastolako zuzendaritzak, urriaren 15eko gobernu kontseiluaren ostean, LABek eta EHIk ateratako prentsa oharren hausnarketa bateratua egin zuten eta horietan esaten denaren inguruan, beste hainbat gaitan bezala, adostasuna erabatekoa da.

Antzerki talde amateurren jardunaldietan izango gara gaur! Bernarda klownaren etxea ikusgai izango da Lezoko Gezala aretoan arratsaldeko 19:30ean! Animatu Federico García Lorcaren testu bikain honen umorezko bertsio original hau ikustera!

Asteartean burutu zen Ezohiko Batzarra. Bertan, Estatutuen birsortzea onartu zen, baita www.zurriolaikastola.eus helbidea Ikastolako webgune korporatiboa izatea ere.