Azaroaren 14an 19:30ean, Beckett artista ezagunaren “Godoten esperoan” lana eskainiko da lehen aldiz euskaraz, Zurriola Antzerki Eskolako amateur taldearen eskutik, Gazteszenan. Anima zaitezte lan berezi eta ezagun honekin gozatzera!!

2. mailakoak Erdia Aroan murgildurik jarraitzen dugu. Oraingo honetan, etxetik ekarritako material birziklatuarekin gaztelu ederrak eraikitzen ibili gara. Ez dira garai hartakoak bezain ederrak, baina oso txukunak gelditu zaizkigu!

“Azaroak 11, San Martin eguna, hauxe da zoritxarra gertatu zaiguna…”. Txerrien ahotsetik abestu ditugu gaur San Martin eguneko bertsoak Soroan, eta negu honetan jateko txorizo eta txistorrak egiten aritu gara!

Beste tailer bat prestatu dugu album ilustratuen inguruan. Oraingo honetan “Begiratu leihotik” liburua izango dugu protagonista! Nori ez zaio gustatzen leihotik begiratzea? Eta leihoen barnean gertatzen dena irudikatzea?

“Nerabeen garrasia. Osasun mentala aldaketa garaian” liburua argitaratu dute Telmo Lazkano eta Eider Ormazabalek, mugikorren eta sare sozialen erabilera desegokiak nerabeen osasun mentalean duen eraginari buruzko liburua. Teknoiz Taldetik liburu honen eta liburuaren harira egindako elkarrizketaren berri eman nahi dizuegu guztioi, gurasoon paperak guzti honetan berebiziko garrantzia baitu.

LH 3ko lagunok Egipto gaiarekin amaitu berri dugu, eta ikasitako guztiarekin Nilo ibaiaren maketa bana egin dugu hiru geletan. Orain berriz zentzumenen gaiari helduko diogu, gogotsu gaude gai berriak ekarriko diguna ezagutzeko!

Geroz eta gertuago dago Euskararen Eguna, eta egun horretan egingo ditugun ospakizunetan “Euskaraz bizi nahi dut” kamisetak soinean janzteko deia egin nahi dizuegu guztioi.

Aurten ere, Zuberoako Ikastolak laguntzeko aukera izango dugu, bertako gurasoek ekoitzitako produktuekin egindako Gabonetako saskiak erosiz.

HH 5eko lagunok aurreko astean hasi ginen Baso Eskolako saioekin! Eguraldi eguzkitsuarekin edota euripean ekin diegu saioei. Halere, eguraldia ez da baldintza izan guretzat.

DBH 3ko ikasleok Cristina Enea Fundazioaren Haziberria proiektu pilotuan parte hartuko dugu aurten, bertako espezieen biziraupena bermatu eta ingurumenaren ezagutzan sakontzeko. Ametzagaina parkean haziak bildu eta Putzuetako mintegian erein ditugu aste honetan.