Ikastolen Elkarteak antolatutako Aisiola Hezitzaile Eskolako ikasleak etorri zaizkigu ikasturtea amaitu bitartean gure eguerdiak alaitzeko asmoz. Jolas ezberdinak proposatzen dizkigute hezitzaileek, eta gu pozik jolas berrietara jolasteko aukera dugulako.

Atzo Soroan uraren festaz gozatzeko aukera izan genuen. Eguzki pixka bat ikusi orduko, mangera eta ontziak atera eta... gustura ibili ginen elkar bustiz!!!

Lehenengo, Chillida izan genuen inguruan, ondoren, Menchu Gal, eta, azkenik, Zumeta izan dugu. Azken honekin, erretratuak egiteko aukera ere izan dugu. Animatzen al zara zu ere, zure edota lagunen baten erretratua egitera? Oso dibertigarria da, ikusiko duzu!!

Ekainaren 5ean, HH 3ko lagunak Txaparrene parkera joan ginen. Asko gozatu genuen elkarrekin, eta Argitxok sorpresa ederra eman zigun gainera: hamaiketako berezia eta bi baloi ekarri zizkigun!!

Aurreko ostegunean, HH5eko lagunok Ametzagainan izan ginen. Naturaz eta bakoitzak bere motxilan zeraman elikagai preziatuez gozatzeko aukera izan genuen! Ederki ibili ginen naturak eskaintzen dizkigun altxorrak ikertzen eta animalientzako elikagaiak prestatzen!!

Udako oporrak iristear daude, eta ekainaren 10etik 21era goizeko jarduna izango dugu HH eta LHko etapetan, ikasturteari amaiera emateko. Egun horietako antolakuntzaren berri ematen duen zirkularra duzue hemen.

Azkenean iritsi da gure txanda ere, eta LH 3ko lagunok Arotz Enean izan gara hiru egunez! Eguraldi zoragarria izan dugu, eta kobazuloak bisitatzeaz gain, medira txangoa egiteko aukera ere izan dugu. Pena hain azkar amaitzea!

Aurten ere, LH 6ko ikasleek Elkartasun Azoka antolatu dugu, eta oraingoan Etiopia-Utopia elkartea laguntzea adostu dugu guztion artean. Etiopiako eta, bereziki, Tigray eskualdeko komunitate behartsuenen bizi baldintzak hobetzeko lan egiten duen gobernuz kanpoko erakundea da. Eskerrik asko azokan parte hartu duzuen guztioi!!

DBHko maila desberdinak elkartu eta heziketa fisikoari egokitutako mahai-jolas berrian aritu gara aste honetan: ZurriOKA. Hasierako laukitik abiatu, eta “Zurriolatik Zurriolara” ibili gara proba desberdinak eginez.

Antzerki-emanaldien garaia izan ohi da ekaina gurean, eta amateurren taldeek ere emanaldiak ditugu aurrean. Ekainaren 13an “Monty Phyton-en esketx onenak” aurkeztuko dugu Gazte Topaketetan, eta ekainaren 14an Oscar Wild-en “Fidel izan beharraz” lanaren estreinaldia izango dugu Astigarragako Erribehera kulturgunean 20:00etan.