Albisteak

Danborradarekin loturik euskararen erabilera sustatzeko kanpaina egin dugu LH 1, 2 eta 3n, eta atzo Argitxoren oparia jaso genuen egindako lana eskertzeko: Ikastolatik atera eta goizpasa joateko baimena eman zigun!!

DBH 2ko ikasleok lehengo astean amaitu genuen euskarazko Wikipedian egin dugun lana. Denera 21 artikulu berri sortu ditugu Txikipedia atalean: gaia aukeratu, testuak sortu, zuzendu, editatu eta igo ditugu elkarlanean.

Astelehenan, Donostiako Antzoki Zaharrean izan ginen LH 4, 5 eta 6ko ikasleok euskarazko zinemaz gozatzen, eta “Lau ahizpa magikoak” filma ikusteko aukera izan genuen, Tinko euskara elkartearen eskutik. Asteazkenean, berriz, LH 1, 2 eta 3koen txanda izan zen eta “Friends” filma ikusteko aukera izan genuen. Primerako goiz pasak izan genituen!

Azken bi aste hauetan Lund herritik etorri den 14 urteko Oliver izan dugu gurekin Ategorrietan, eskolan egin behar duen praktikaldia egitera. Suediako bizimodua ezagutzeaz gain asko gozatu dugu berarekin ingelesez ikasi, jolastu eta hitz egiten. Esperientzia polita izan da LH1etik hasi eta LH6 bitarteko guztiontzat. Mila esker Oliver!

Badatoz inauteriak, festa eta alaitasuna! Mozorro aukeraketari buruzko lanketa egiten ari gara geletan, eta etxean ere gai honen inguruan aritzeko eskatu nahi dizuegu Agenda 2030etik eta Hezkidetza Taldetik:

Jaiz jai gabiltza hiruhileko honetan, eta gaurkoan zuen eskura jarri nahi ditugu Haur Danborradako eta Kaldereroetako argazkiak. Laster izango da inauterien txanda. Segi dezala festak!

Aste honetan, igelen eta beren bizi-zikloaren inguruan asko ikasi dugu HH 5eko lagunok. Beren bizileku diren urmaelak ez dira putzu zikinak, biodibertsitate handiko tokiak dira eta ezinbetekoak dira naturarentzat. Ondo zaindu behar ditugu. Eskerrik asko aitona Ruben!!

Oporrak Bakean harrera programa Donostiako 12 harrera-familien bila dabil, 12 haur saharar errefuxiatuk uda gure artean igaro dezaten. Zu izan zaitezke horietako bat, animatuko zara? Hemen duzue informazio-bilerarako deialdia.