Eguraldia lagun, LH 4koak hondartzan izan gara gaur. Gure inguruan dugun altxor naturalaz gozatzeaz gainera, gure arteko harremanak sendotzeko balio izan digu. Ederki pasatu dugu!

Urtero bezala, aurten ere asko izan dira Koldo Mitxelena literatur lehiaketan parte hartu duten ikasleak, eta saridun eta aipatuen izenak jakin ditugu aste honetan. Zorionak saridunei, aipamen berezia jaso dutenei eta parte-hartzaile guztiei!

Beste tailer bat prestatu dugu artista liburuen inguruan. Oraingo honetan koloreak izango ditugu protagonista! Prest zaudete berriro ere, gurekin batera artista liburu magiko bat sortzeko? Oraingo honetan koloretako paperak erabiliz eta transparentziarekin jolastuz,  artista liburu liluragarri bat eraikiko dugu.

Iaz bezalaxe, aurten ere udako oporraldietarako egonaldiak antolatuko ditugu Zurriola Ikastolan, ekainaren 24tik uztailaren amaierara bitartean, HH 2tik LH 6ra bitarteko ikasleentzat.

Aurten ere, Ikastolaren Festan hainbat lehiaketa egingo ditugu, eta ekintza horietarako sariak lortzeko asmoz, zuen laguntza behar dugu! Hemen duzue informazio guztia.

Asteazkenean, Zurriola Ikastolako ekoordezkariak Eskola Agenda 2030 foroan izan ginen, Donostiako beste ikastetxeekin batera. Gros eta Ulialdeko ikastetxe eta ikastolak, gure auzoan identifikatutako puntu kritikoen azterketa egiten aritu ginen. Laister emango dizuegu lanketa honen berri!

Elkartasunetik sortu ziren Ikastolak, eta Ikastolen proiektuak elkartasunaren beharra du oraindik ere!! Babestu dezagun partaide guztiok Euskal Herriko Ikastolen proiektua, TANTA txartelen bidez. 5€-ko txartel hauen truke 60.000€-ko zozketa batean parte hartuko duzue.

LH5ekook zirkuko emanaldia prestatu behar dugu Gorputz Hezkuntzako saiorako, eta hori aprobetxatuz, akrosporteko saioa hondartzan gauzatu dugu. Gustura aritu gara akrobaziak entsaiatzen!

Ategorrietako atarian ikasturtean zehar ikasleek utzitako aterki, jertse eta antzekoak pilatzen joan zaizkigu. Berriro ere deia egiten dizuegu hurrengo ostegunean, ekainaren 7an, arratsaldeko 16:30ean Ategorrietako atarian erakusgai jarriko ditugun arropa eta aterkiak begiztatzera, eta, zuen seme-alabenak badira, hauek jasotzera.

Bide-hezkuntzaren gaia jorratze aldera eta bereziki, errepidean gaudenean segurtasun neurriak errespetatzeak duen garrantzia barneratzeko, DBH4ko ikasleok Gerta Dakizuke izeneko tailerrean parte hartu berri dugu.