Abenduaren 2an, familiarteko arte-tailerra egin genuen berriro Ikastolan! Oraingo honetan “Begiratu leihotik” liburua izan genuen protagonista, eta kollagea erabiliz liburu bitxi bat eraiki genuen.

Aurten ere bertsotarako plaza bihurtu dugu gure antzerki aretoa. Hiruhileko honetan buru-belarri aritu gara LH6ko ikasleok bertsolaritza lantzen, eta bertso-saio bikainez gozatzeko aukera izan dute familiek. Zorionak bertsolari txiki guztiei!

Aurten ere Olentzerorekin Groseko kaleetan irtengo gara abenduaren 24an, eta abestuko ditugun doinuak partekatu nahi ditugu guztiokin, entsaiatzen joateko! Gainera, abenduaren 20a ospakizun-eguna izango dugu Ikastolan.

Arte Batxilergoko ikasleak “Ni ez naiz Mikel Laboa” liburuari buruzko erakusketan izan gara Okendo kultur-etxean. Bertan, Joseba Larratxe, Harcaitz Cano eta Unai Iturriagaren liburua egiteko prozesua ezaugutu dugu, zirriborroetatik argitaratzereko unerainokoa.

Gazte Topaketetan saria irabazi ondoren, emanaldiz emanaldi dabiltza Antzerki Eskolako lagunak, eta atzo DBH 1eko ikasleok beren “Inproshow-a” antzezlana ikusteko aukera izan genuen! Oraindik ikusteko aukerarik izan ez baduzue, gaur arratsaldeko 19:00etan Victoria Eugenia Clubean izango duzue!

DBH 4ko ikasleok 2024. urterako egutegi berezi bat sortu dugu, collage teknika eta euskarazko atsotitzak uztartuz. Datorren astean, Soroa eta Ategorrietako atarietan salgai jarriko ditugu, Soroan astelehenean eta Ategorrietan asteartean.

Aste honetan, Ikastolako irakasle den Amaia Elorza, Teknoiz Zurriolako gurasoen taldeko kide den Asier Ugarte eta gurean formakuntza-saioak eskaintzen dituen Mikel Cerezo ETB 1eko Biba Zuek saioan izan dira, sare sozialen arriskuez eta Teknoiz taldeak egiten duen lanaz hizketan.

Euskararen egun handia dugu igandean, eta Ikastolan ospakizun-eguna izan dugu gaur! Jarduera ugari egin ditugu mailaz maila, eta goizean Manteon egin dugun kantaldia izan da eguneko une gorena!

Asteartean, Donostiako Antzoki Zaharrean izan ginen LH 1, 2 eta 3ko ikasleok euskarazko zinemaz gozatzen, eta “Izurde mutikoa” filma ikusteko aukera izan genuen, Tinko euskara elkartearen eskutik. Primerako goiza pasa genuen!

Aste honetan, DBH 1eko ikasleak Ategorrietan izan gara hilabete hauetan sortutako kanpaina baten berri emateko. Zaporeak elkartearekin elkarlanean Lesboseko errefuxiatuei otordu bat eskaintzeko janari bilketa egin nahi dugu.