DBH 2ko Ongizate Fisiko eta Emozionaleko ikasleok Yoga landu dugu bigarren ebaluazioan, eta Soroara hurbildu gara gaur, HH5eko ikasleei ikasitakoa erakustera. Zeinen polita den ikasitakoa txikiekin partekatu ahal izatea!

1. batxilergoko Frantseseko ikasleok Bordelera iritsi berri gara, asteburu pasa! Hiria ezagutu, merkatuak bisitatu eta orain arte ikasi dugun frantsesa praktikan jartzeko asmoz etorri gara, eta gogotsu hasi dugu asteburua! Bon weekend à tous!

DBHko Ikasleen Euskara Batzordeak lehiaketa musikatua antolatu du, eta urtarrilaren 29tik gaur arte egon da martxan DBH osoan. Euskal kultura eta aisia uztartzeko asmoz antolatu da kanpaina, eta gaur jakin dugu nor izan diren irabazleak! Zorionak Inge, June, Malen eta Maria!! Eta eskerrik asko antolaketa lanetan aritu zareten guztioi!

DBH 2ko ikasleok aste honetan amaitu dugu euskarazko Wikipedian egin dugun lana. Denera 25 artikulu berri sortu ditugu Txiegin kipedia atalean: pertsonaiak aukeratu, testuak sortu, zuzendu, editatu eta igo ditugu elkarlanean. Hona hemen sortutako artikulu baten adibidea, gertukoa dugun norbaitena gainera!

LH 3ko Zezengorriok igeriketa-ikastaroa egiten ari gara hiruhileko honetan, Intxaurrondoko kiroldegian. Ostiralero joaten gara bertara, eta GKAIko ikasleak ditugu begirale. Akerbeltz taldekoek martxoa erdialdean hasiko dute beren txanda. Asteari amaiera emateko aukera paregabea inondik ere!!

Inauteri giroan pasa dugu gaurko eguna Ikastolan ere! Irudimenari bide egin, eta bakoitzak nahi izan duen mozorroa jazteko aukera izan du, Ikastola koloreztatuz!

Igandean Ikastolako lagun ugari elkartu ginen eta Groseko kaleetan zehar aritu ginen kopla kantari, santa eskean. Hementxe bideo txiki bat. Ohitura zaharrak berrituz, tradizioari lekua egin genion!

Teknologia berrien gehiegizko erabilerak sortzen dituen kalteez eta mugikorra emateko adina atzeratzeko moduei buruz aritu gara aste honetan, LH 5eko ikasleok eta LH 4-5-6ko gurasook Bidelagun elkartearen laguntzarekin. Asko ikasi dugu, eta etengabeko lanketa jarraituko dugu guztiok!

Argitxo etorri da aste honetan Ategorrietara!! Danborradarekin loturik euskararen alde egindako kanpaina eskertu digu opari polit batekin: LH 1-2-3ko lagun guztientzako irteera Uliako Lore Baratzetara. Bideo honetan ikus dezakezuen moduan, primerako goiza pasa genuen Argitxori esker, guztiok elkarrekin!

Ostegunean LH 4ko ikasleok egun osoko irteera egin genuen, Albaolara. Bertan gure itsas hondarearen inguruan egiten den lanaren berri izateaz gain, euskaldunok balea-arrantzarako egiten genituen bidaiez, bertako indioekin izan genuen harremanaz eta sortutako industriari buruz asko ikasi genuen. Bertakoek gainera oso jator aritu ginela esan ziguten eta zoriondu egin gintuzten!